મનોરંજન / પાકિસ્તાનના પહેલા ડેટિંગ રિયાલિટી શૉ Lazawal Ishqનો ભારે વિરોધ, પ્રતિબંધની ઉગ્ર માંગ

આયેશા ઓમરનો આગામી રિયાલિટી શો, લઝાવાલ ઇશ્ક વિવાદમાં ફસાઈ ગયો છે. "લઝાવાલ ઇશ્ક" નામનો આ શો 29 સપ્ટેમ્બરના રોજ યુટ્યુબ પર પ્રીમિયર થશે. આયેશા તેને હોસ્ટ કરશે. જોકે, શોની થીમે વિવાદ ઉભો થયો છે. સોશિયલ મીડિયા પર લોકો આ શો પર પ્રતિબંધ મૂકવાની માંગ કરી રહ્યા છે અને તેને બિન-ઇસ્લામિક ગણાવી રહ્યા છે.

આ શોનો પ્રોમો થોડા સમય પહેલા રિલીઝ થયો હતો. પ્રોમો વીડિયોમાં આયેશા સ્પર્ધકોનું સ્વાગત કરતી જોવા મળી હતી. આ શોનો વિષય એ છે કે ચાર મહિલાઓ અને ચાર પુરુષો ભાગ લેશે, અને તેમનો ધ્યેય સાચો પ્રેમ શોધવાનો રહેશે. તે બધા કેમેરાની દેખરેખ હેઠળ એક વિલામાં સાથે રહેશે. તેમના પર 24 કલાક દેખરેખ રાખવામાં આવશે.

આખરે, એક પુરુષ અને એક સ્ત્રી એક દંપતી તરીકે ઉભરી આવશે, જે શોના વિજેતા બનશે. આ શો મૂળભૂત રીતે સંબંધો વિશે છે. આ જ કારણ છે કે પાકિસ્તાનમાં લોકો સોશિયલ મીડિયા પર આ શોનો બહિષ્કાર કરવાની હાકલ કરી રહ્યા છે, તેને બિન-ઇસ્લામિક ગણાવી રહ્યા છે, કારણ કે ઇસ્લામ લગ્ન પહેલાં ડેટિંગ અથવા સંબંધ રાખવાની મનાઈ ફરમાવે છે.

આ શો પર આયેશા ઓમરની પ્રતિક્રિયા પણ સામે આવી છે. એક મેગેઝિન સાથે વાત કરતા તેમણે કહ્યું કે આ શો પાકિસ્તાની અને ઉર્દૂ ભાષી દર્શકો માટે એક નવો અને અનોખો અનુભવ છે. તેમણે એમ પણ કહ્યું કે આ શો પ્રેમ, મિત્રતા અને સ્પર્ધાનું મિશ્રણ છે, જે દર્શકોને ભાવનાત્મક અને નાટકીય અનુભવ પ્રદાન કરશે.

આ પણ વાંચોઃ શૂટિંગ દરમિયાન ઈજાગ્રસ્ત થયો સલમાન ખાન, તાબડતોબ મુંબઈ પરત ફર્યો

એવું કહેવામાં આવી રહ્યું છે કે "લાજવાલ ઇશ્ક" બ્રિટિશ રિયાલિટી શો લવ આઇલેન્ડની નકલ છે. જોકે, આયેશાએ જણાવ્યું હતું કે તેમનો શો "લવ આઇલેન્ડ" ની નકલ નથી. તે પાકિસ્તાની સંસ્કૃતિ પર આધારિત છે અને તેનો હેતુ વાસ્તવિક સંબંધોને પ્રોત્સાહન આપવાનો છે. આ શો કુલ 100 એપિસોડ માટે ચાલવાનો છે. જોકે, તેના પ્રીમિયર પહેલા જ વિવાદ ફાટી નીકળ્યો છે.

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ