ઘટસ્ફોટ / ચીની સેટેલાઇટ ફોનનો ઉપયોગ, હેન્ડલર્સનો સંપર્ક, પહેલગામ આતંકી હુમલામાં થયેલા ચોંકાવનારા ખુલાસા

Pahalgam Terror Attack : જમ્મુ અને કાશ્મીરના પહેલગામમાં 22 એપ્રિલે થયેલા આતંકવાદી હુમલા બાદ NIA ટીમ આ ઘટનાની તપાસ કરી રહી છે. આ દરમિયાન હવે એક મોટા સમાચાર સામે આવ્યા છે. વાસ્તવમાં સુરક્ષા એજન્સીઓએ એક શંકાસ્પદ 'Huawei સેટેલાઇટ ફોન' ની ગતિવિધિ પર નજર રાખી છે જે ઘટના સમયે તે જ જગ્યાએ હાજર હતો. વાસ્તવમાં Huawei એક ચીની કંપની છે અને આ કંપનીના સેટેલાઇટ ઉત્પાદનો ભારતમાં પ્રતિબંધિત છે. એવી શંકા છે કે, આ ફોન પાકિસ્તાન અથવા અન્ય કોઈ વિદેશી સ્ત્રોતથી ભારતમાં દાણચોરી કરીને લાવવામાં આવ્યો હતો.

મીડિયા અહેવાલો મુજબ સૂત્રોનું કહેવું છે કે, હુમલો કરનારા આતંકવાદીઓનો 4 વખત સંપર્ક કરવામાં આવ્યો છે પરંતુ મોટી સંખ્યામાં લોકોની હાજરીને કારણે હુમલો કરનાર ડ્રોનનો ઉપયોગ થઈ શક્યો નહીં. સૂત્રો એમ પણ કહે છે કે, હુમલા પહેલા અને દરમિયાન ઓછામાં ઓછા 10 લોકો એન્ક્રિપ્ટેડ એપ્સ દ્વારા તેમના હેન્ડલર્સને ચેટ કરી રહ્યા હતા અને ફોન કરી રહ્યા હતા.

પહેલગામ આતંકવાદી હુમલાની તપાસ NIAએ સંભાળી

NIA એ પહેલગામ આતંકવાદી હુમલાની તપાસ પોતાના હાથમાં લીધી છે. અધિકારીઓએ જણાવ્યું હતું કે, NIAના પોલીસ મહાનિરીક્ષક, નાયબ પોલીસ મહાનિરીક્ષક અને પોલીસ અધિક્ષકની દેખરેખ હેઠળ રચાયેલી એક ટીમે જમ્મુ અને કાશ્મીરના પહેલગામની બૈસરન ખીણમાં થયેલા આતંકવાદી હુમલાની તપાસ શરૂ કરી છે.

વધુ વાંચો : ભારતમાં છૂપાયેલા પાકિસ્તાનીઓને 24 કલાકનું અલ્ટીમેટમ, ડેડલાઇન હવે પૂર્ણતાના આરે

અધિકારીઓએ જણાવ્યું હતું કે, તેમની ટીમો આતંકવાદીઓ વિશે સુરાગ મેળવવા માટે પ્રવેશ અને બહાર નીકળવાના સ્થળોએ સઘન તપાસ કરી રહી છે. તેમણે એમ પણ કહ્યું કે, કાશ્મીરમાં થયેલા સૌથી ભયાનક આતંકવાદી હુમલાઓમાંના એકને કારણે બનેલી ઘટનાઓનો ક્રમ જાણવા માટે પ્રત્યક્ષદર્શીઓની સઘન પૂછપરછ કરવામાં આવી રહી છે. તેમણે કહ્યું કે, ફોરેન્સિક અને અન્ય નિષ્ણાતોની મદદથી આ ટીમો આ ભયાનક હુમલા તરફ દોરી જતા આતંકવાદી કાવતરાનો પર્દાફાશ કરવા માટે પુરાવા એકત્રિત કરવા માટે સમગ્ર વિસ્તારની સંપૂર્ણ તપાસ કરી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ