OMG / 50 હજારમાં ઓનલાઈન જમીન ખરીદી બનાવી દીધો નવો દેશ, નામ આપ્યું 'જૈકિસ્તાન'

અમેરિકાના ઉટાહમાં એક નાનકડી જગ્યાને એક આર્ટિસ્ટે સંપ્રભુ રાષ્ટ્ર ઘોષીત કર્યુ છે. આ નાનકડા દેશનો એક અલગ ધ્વજ પણ છે. જ્યારે આપણે વિદેશમાં ફરવા જઈયે છીયે ત્યારે આપણે પાસપોર્ટ રજૂ કરવો પડે છે પરંતુ આપણે અમેરિકાના આ વિસ્તારમાં જવા ઈચ્છતા હોઈયે તો આ નાનકડા દેશનો પણ પાસપોર્ટ રજૂ કરવો પડે છે. કારણ કે આ દેશના માલીકે તેનો પાસપોર્ટ પણ બહાર પાડ્યો છે.

2005માં 2 એકર જમીન 610 ડોલરમાં ખરીદી હતી

વર્ષ 2005માં જૈક લેન્ડબર્ગ નામના એક આર્ટિટેસ્ટે અમેરિકાની 2 એકર જમીન 610 ડોલરમાં ખરીદી હતી. આ જમીન રણ વિસ્તારમાં આવેલી છે. થોડા સમય બાદ તેને આ વિસ્તારને અલગ રિપબ્લીક દેશ જાહેર કરી દીધો હતો. જેનું નામ પોતાના નામ પરથી જ રાખ્યુ હતુ "જૈકીસ્તાન". આ વિસ્તારમાં એક પણ ઘર આવેલુ નથી. 

જમીન ખરીદી હતી ત્યારે અમેરિકા દેશમાં રાજકીય માહોલ સારો ન હતો.

આ અંગે જૈકે જણાવ્યુ હતુ કે, જ્યારે મે આ જમીન ખરીદી હતી ત્યારે અમેરિકા દેશમાં રાજકીય માહોલ સારો ન હતો. જેથી તેને લાગ્યુ હતુ કે તે રાજનેતાઓ કરતા સારી રીતે દેશને ચલાવી શકે છે. માટે તેને આ વિસ્તારને દેશ જાહેર કર્યો હતો. જૈકીસ્તાન વિસ્તારની સૌથી નજીકનું શહેર 100 કિલોમીટર દૂર આવેલુ છે. આ વિસ્તારમાં કોઈ પાકો રસ્તો પણ નથી, પાકો રસ્તો 25 કિલોમીટર દૂર છે. 

જૈકીસ્તાનમાં કોઈ વસવાટ કરતુ નથી

જૈકીસ્તાનમાં કોઈ વસવાટ કરતુ નથી, વર્ષ દરમિયાન કેટલાક દીવસ માટે જૈક અહીંયા આવે છે. આ જમીન પર પ્રવેશ માટે તેને એક પેટ્રોલ ગેટ, રોબોટ પણ રાખ્યો છે. તે પોતાની વેબસાઈટ પર આ વિસ્તારમાં પ્રવેશ માટે 40 ડોલરમાં પાસપોર્ટ  ઈશ્યુ કરે છે. 

આ પણ વાંચોઃ કેનેડામાં રોડ ક્રોસ કરી રહેલા ગુજરાતી યુવકનું ટ્રકની ટક્કરે મોત, પરિવાર ઘેરા આઘાતમાં

જૈકના કેટલાક મીત્રોએ જૈકીસ્તાનનો પાસપોર્ટ બનાવી રાખ્યો છે. તે મીત્રો અહીંયા મોજશોખ કરવા કેટલીકવાર આવતા રહે છે. જૈકે આ રણ વિસ્તારને સુધારવા માટે 8 લાખ રૂપિયા ખર્ચ કર્યા છે. અહીંયા વાતાવરણ ખરાબ જ રહે છે. દિવસે ભયંકર ગરમી અને રાત્રે ઠંડી પડે છે. જૈક ટેક્સ ભરતો હોવાથી તેની આ ગતિવિધિ ગેરકાયદેસર નથી ગણાતી.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો