કોનો દોરી સંચાર / ન્યુ જર્સીમાં ભારતીય જ્વેલર્સ સતત લૂંટારુંના ટાર્ગેટ પર, એક લાખ ડોલર લૂંટનો વીડિયો વાયરલ

ન્યુ જર્સીના ઓક્ટ્રી રોડ પર ચાર લૂંટારુંઓએ ફરી એકવાર વિરાણી જ્વેલર્સમાં લાખ ડોલરની લૂંટ કરી છે. આ પહેલા 10 જૂન 2022 માં લૂંટ થઈ હતી, ત્યારબાદ ઓક્ટ્રી રોડ પરના તમામ જ્વેલર્સ માલિકોએ પ્રાઇવેટ સિક્યુરિટી રાખી હતી, પરંતુ 7 જૂન 2025 ના બપોરના 12:15 કલાકે લૂંટારૂઓ કાળા કલરની કાર લઈને આવ્યા હતા અને તેમણે લૂંટ કરી આતંક મચાવ્યો હતો. વિરાણી જ્વેલર્સમાં તોડફોડ મચાવી તમામ દાગીનાઓ લઈને ફરાર થઈ ગયા હતા. ચોંકાવનારી બાબત એ છે કે જૂન 2022માં જ્યારે લૂંટ થઈ હતી તે વખતે એક પણ અપરાધી પકડાયો ન હતો, પોલીસ આ અપરાધીઓને પકડે તે પહેલા જ 2025માં બીજી વખત લૂંટ થઈ છે. ન્યુ જર્સીના ઓક્ટ્રી રોડ પર 15થી વધું જ્વેલર્સના શો રૂમ આવેલા છે

View this post on Instagram

A post shared by VTV Gujarati News and Beyond (@vtv_gujarati_news)

7 જૂન, 2025ના રોજ ન્યુ- જર્સીના ઇસલિનમાં વિરાણી જ્વેલર્સમાં "તોડફોડ અને લૂંટ" થઈ છે. અધિકારીઓ આ ઘટનાની તપાસ કરી રહ્યા છે, પરંતુ વિગતો હજુ મર્યાદિત છે. નુકસાનનું પ્રમાણ અને શંકાસ્પદ વર્ણન જાહેર કરવામાં આવ્યું નથી. ઇસલિનમાં વિરાણી જ્વેલર્સને નિશાન બનાવતી આ પહેલી લૂંટ નથી. ન્યુ જર્સીના ઇસલિનમાં વિરાણી જ્વેલર્સમાં અગાઉ ત્રણ વખત લૂંટ થઈ ચૂકી છે.

10 જૂન, 2022: ન્યુ જર્સીના ઇસલિનમાં ઓકટ્રી રોડ પર વિરાણી જ્વેલર્સમાં સશસ્ત્ર લૂંટ થઈ હતી. આ ઘટના એશિયન માલિકીના દાગીનાની દુકાનોને નિશાન બનાવતી લૂંટની શ્રેણીનો એક ભાગ હતી. ડી.સી. સ્થિત એક ગુનાહિત જૂથ આ ઘટના સાથે જોડાયેલું હતું. ગુનાહિત જૂથના 16 કથિત સભ્યોની ધરપકડ કરવામાં આવી હતી. લૂંટમાં સામેલ એક વ્યક્તિ, ફુલર, ઓક્ટોબર 2024માં દોષિત ઠર્યો હતો અને તેને 19 વર્ષની જેલની સજા ફટકારવામાં આવી હતી.

આ પણ વાંચો: ભારતીયો વધારે એક ડોલરિયા દેશમાં વિઝા વગર જ જઇ શકશે, અત્યારથી જ કરી લો તૈયારી

અગાઉ ન્યૂ યોર્કના ક્વીન્સમાં વિરાણી જ્વેલર્સમાં લૂંટની ઘટના

31 ઓક્ટોબર, 2013: ક્વીન્સના જેક્સન હાઇટ્સમાં 37મા એવન્યુ પર વિરાણી જ્વેલર્સમાં ચાર માણસોએ લૂંટ ચલાવી હતી. એક શંકાસ્પદ વ્યક્તિએ હેલોવીન માસ્ક પહેર્યો હતો અને તેણે બંદૂક લટકાવી હતી, જેના કારણે કર્મચારીને તિજોરી ખોલવાની ફરજ પડી હતી. લૂંટારુઓ લાખો ડોલરની રકમના દાગીના લઈને ભાગી ગયા હતા.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ