વ્યથા / "ભણવા માટે રશિયા ગયો હતો, પરાણે યુદ્ધમાં.." , યુક્રેનમાં ફસાયેલા ગુજરાતના યુવકની PM મોદીને અપીલ

Indian Student Video From Ukraine: રશિયા અને યુક્રેન વચ્ચે ચાલી રહેલા વિવાદમાં વિદ્યાર્થીઓને પણ સંડોવવામાં આવી રહ્યા છે. આવો જ એક વીડિયો એક ભારતીય વિદ્યાર્થીએ શેર કર્યો છે જેમાં તેણે ખુલાસો કર્યો છે કે તેને પરાણે રશિયાની સેનામાં ભરતી કરીને યુક્રેન સામે જંગમાં મોકલવામાં આવી રહ્યો છે. યુક્રેનમાં કેદ સાહિલે વીડિયો શેર કરીને કહ્યું છે કે

"હું ખૂબ જ નિરાશ છું. મને નથી ખબર કે મારું આગળ શું થશે પણ જે પણ યુવાનો રશિયા આવવા માંગે છે તેમને મારી વિંનતી છે કે તેઓ ખૂબ સાવધાન રહે."

ગુજરાતના મોરબી જિલ્લાના એક યુવા વિદ્યાર્થીએ રશિયાથી સામે આવીને એક ગમભીર ચેતવણી આપી છે. આ મોરબીનો યુવક ભાવના માટે રશિયા ગયો હતો અને તેણે આરોપ લગાવ્યો છે કે તેને ખોટા ડ્રગ્સ કેસમાં ફસાવીને પરાણે સેનમાં ભરતી કરાવી દીધો છે. યુક્રેનમાં પકડાઈ ગયા બાદ તેણે એક વીડિયો રેકોર્ડ કરીને ભારત સરકાર પાસે મદદની અપીલ કરી છે અને એટલૂઈ જ નહિ પણ જે યુવાનો રશિયા જવા માંગે છે તેમને પણ સતર્ક રહેવા માટે અનુરોધ કર્યો છે.

શું છે આખો મામલો?

આ વિદ્યાર્થીનું નામ છે સાહિલ મોહહમદ હુસૈન. જે ગુજરાતના મોરબીનો નિવાસી છે. સાહિલ વર્ષ 2024 માં સ્ટુડન્ટ વિઝા પર રશિયા ભણવા માટે ગયો હતો. ભણવાની સાથે સાથે તે એક કુરિયર કંપનીમાં પાર્ટ ટાઈમ નોકરી પણ કરતો હતો. આ દરમિયાન તેના કહેવા મુજબ રશિયન પોલીસે તેને ખોટા ડ્રગ્સ કેસમાં ફસાવી દીધો.

ડ્રગ્સ કેસમાંથી હટાવવાના બદલે સેનામાં ભરતી

સાહિલે આરોપ લગાવ્યો છે કે રશિયન પોલીસ અને જેલના અધિકારીઓએ તેની સાથે એક ડીલ કરી હતી જેમાં તેમણે કહ્યું કે જો તે રશિયન આર્મીમાં સામેલ થઈ જશે તો તેના પર લાગેલો ડ્રગ્સનો કેસ ખાતાં કરી દેવામાં આવશે. મજબૂરીમાં તેણે આ પ્રસ્તાવ સ્વીકારી લીધો હતો. તેનો દાવો છે કે માત્ર 15 દિવસની ટ્રેનિંગ બાદ તેને સીધો યુદ્ધના મોરચે મોકલી દેવાયો હતો.

ફ્રંટલાઈન પર પહોંચતા જ કરી સરેન્ડર

આ વીડિયોમાં સાહિલે જણાવ્યું કે જેવો તે યુક્રેનના ફ્રન્ટ લાઇન પર પહોંચ્યો કે તરત યુક્રેનની સેના સામે તેણે આત્મ સમર્પણ કરી દીધું હતું. ત્યારપછી યુક્રેનની સેના પાસે તેણે તેના વીડિયો રેકોર્ડીંગ માટે માંગ કરી કે જે તેની માતાને મોકલી શકે અને જેથી ભારતમાં આ અંગે જાગરૂકતા ફેલાવી શકે.

ભારત સરકારને અપીલ

યુક્રેનમાં કેદ સાહિલે વીડિયોમાં કહ્યું છે કે

" હું ખૂબ નિરાશ છું. મને નથી ખબર કે આગળ મારુ શું થશે. પણજે પણ યુવાનો રશિયા આવવા માંગે છે તે બધાને મારી અપીલ છે કે તે લોકો ખૂબ જ સાવધાન રહે. અંહિયા ઘણા લોક ખોટા ડ્રગ્સ કેસમાં ફસાવી દે છે."

તેણે વડાપ્રધાન નરેન્દ્ર મોદી અને ભારત સરકારને અપીલ કરતાં કહ્યું કે

" રાષ્ટ્રપતિ પુતિન હાલમાં જ ભારત આવ્યા હતા. હું સરકારને વિનંતી કરું છું કે પુતિન સરકાર સાથે મારી વાટ કરીને મને હેમખેમ ઘરે પાછો લાવવામાં આવે. "

ભારત સરકારની પ્રતિક્રિયા

5 ડિસેમ્બરના વિદેશ સચિવ વિક્રમ મિસ્ત્રીએ કહ્યું કે ભારત સરકાર રશિયન આર્મીમાં સામેલ ભારતીય નાગરિકોને છોડાવવા માટે સક્રિય પ્રયાસ કરી રહી છે. તેમણે જણાવ્યું કે વડાપ્રધાન નરેન્દ્ર મોદીએ આ મુદ્દો વ્લાદિમીર પુતિન સામે ઉઠાવ્યો છે અને ભારતીય નાગરિકોને જલ્દીજ છોડી દેવામાં આવે તે માટે સતત વાતચીત ચાલુ છે.

આ પણ વાંચો: અમેરિકા જવાનું સપનું ચકનાચૂર! કેન્સલ થઈ રહી છે વિઝા રિન્યુઅલ એપોઇન્ટમેન્ટ્સ, જાણો શું છે કારણ

ભારતીય નાગરિકોને સખ્ત ચેતવણી

વિદેશ સચિવે ચોખ્ખા શબ્દોમાં ચેતવણી આપી છે કે દરેક ભારતીય નાગરિક કોઇપણ હાલતમાં રશિયન સેનામાં સામેલ થવાના પ્રસ્તાવથી દૂર રહે. તેમણે કહ્યું કે " અમે આવા ઘણા કેસ જોઈ રહ્યા છીએ જય લોકો ફસાઈ ગયા છે અને ભારત પરત આવવા માટે અપીલ કરી રહ્યા છે."

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ