તમારા કામનું / વિદેશમાં મુશ્કેલી આવે તો અહીં માગજો ‘મદદ’, બસ આટલું કરતા જ થઈ જશે હેલ્પ

•  ભારત સરકાર ‘મદદ’ પોર્ટલ દ્વારા કરશે મદદ
• બસ કેટલાક સ્ટેપ્સ ફોલો કરો અને ફરિયાદ નોંધાઈ જશે
• વિદેશમાં પણ ભારત સરકાર તમારી હેલ્પ કરશે

 આપણી આસપાસથી ઘણા બધા લોકો સારું જીવન જીવવા માટે, અભ્યાસ માટે કે પછી પૈસા કમાવા માટે વિદેશ જતા હોય છે. જો કે એક નવા દેશમાં જવું મોટું ટાસ્ક છે. ઘણીવાર પરિસ્થિતિ એવી સર્જાય છે કે વિદેશમાં જઈને કોઈ ભારતીય નાગરિક છેતરપિંડીનો, ગુનાહિત કૃત્યોનો અથવા તો કોઈ અન્ય ઘટનાનો ભોગ બની જાય છે. હવે નવો દેશ છે, કાયદા અજાણ્યા છે, ક્યારેક ભાષાની પણ મુશ્કેલી હોય છે. આવી સ્થિતિમાં માણસ એ વાતે મૂંઝાય છે કે ફરિયાદ કરવી તો ક્યાં કરવી, મદદ માગવી તો કોની માગવી. પરંતુ ભારત સરકાર પોતાના નાગરિકોની મદદ માટે હરહંમેશ તૈયાર હોય છે. અને અહીં ‘મદદ’ શબ્દ જ આપને મદદ કરી શકે છે.

આ પોર્ટલ પર માગો મદદ
વિદેશમાં વસતા ભારતીય નાગરિકોની મદદ કરવા માટે ભારત સરકારે ખાસ ‘મદદ’ પોર્ટલ વિક્સાવ્યું છે. જ્યાં તમે કોઈ પણ બાબતની ફરિયાદ કરી શકો છો. આ માટે તમારે https://madad.gov.in/ પર જવાનું છે. આ ઉપરાંત તમે [email protected] પર ઈમેઈલ કરીને પણ ફરિયાદ કરી શકો છો. અહીં તમે રજિસ્ટર મોબાઈલ નંબર, ઈમેઈલ આઈડી જેવી માહિતી આપીને ફરિયાદ દાખલ કરી શકો છો. ફરિયાદ થઈ ગયા બાદ તે સંબંધિત અધિકારી અથવા યોગ્ય મંત્રાલય પાસે પહોંચે છે. જ્યાં કોઈ પણ પગલાં લેવાય તો ફરિયાદ કરનાર વ્યક્તિને જાણ કરવામાં આવે છે. ધ્યાન રાખવાની વાત એ છે કે જ્યારે તમારી સાથે કોઈ અનિચ્છનીય ઘટના બને, તો તાત્કાલિક આ પોર્ટલ પર જઈને ફરિયાદ કરો.

મદદ પોર્ટલ પર મદદ મેળવવા આટલું કરો.
1. સૌથી પહેલા https://madad.gov.in/ પર લોગ ઈન કરો.
2. હવે અહીં login   ઓપ્શન પર ક્લિક કરો અને નીચે Register (New User) વિકલ્પ પર ક્લિક કરો.
3. હવે તમારી સામે એક ફોર્મ ખુલશે, જેમાં તમારે જરૂરી માહિતી ભરવાની છે. જરૂરી માહિતી ભરાઈ જાય એટલે રજિસ્ટર બટન દબાવી દો.
4. તમારા રજિસ્ટર ઈમેઈલ આઈડી પર એક લિંક આવશે, જેના પર ક્લિક કરીને તમારે ઈમેઈલ આઈડી વેરિફાય કરવાનું છે.
5. હવે તમારા રજિસ્ટર આઈડી અને પાસવર્ડથી વેબસાઈટ પર લોગ ઈન કરો.
6. અહીં દેખાતા ફોર્મને ભરીને તમે તમારા પરિવારજનની અથવા પોતાને થતી પરેશાની અંગે ફરિયાદ દાખલ કરી શકો છો.
7. ફરિયાદ નોધાઈ ગયા બાદ પણ તમે Track Grievance Status પર ક્લિક કરીને તમારી ફરિયાદનું સ્ટેટસ ચેક કરી શકો છો.

વધુ વાંચોઃ ત્રેવડ ન હોય તો ગરમી ન બતાવાય! પાયલટને લાફો મારનાર યુવક હવે કહી રહ્યો છે સોરી સર!

જો તમારી ફરિયાદ તમને વિદેશ મોકલનાર એજન્ટ વિશે છે, તો સરકાર સૌથીપ હેલા એજન્ટને જાણ કરીને સમસ્યાનો ઉકેલ લાવવાનું કહેવામાં આવે છે. જો એજન્ટ જવાબ ન આપે અથવા તેમનો જવાબ સંતોષકારક ન હોય તો તેનું રજિસ્ટ્રેશન 30 દિવસ માટે સસ્પેનડ્ કરી દેવામાં આવે છે. આમ છતાંય, કોઈ એક્શન ન લેવાય તો તેનું લાઈસન્સ રદ પણ કરી દેવામાં આવે છે.