ખુલાસો / દિલ્હી બ્લાસ્ટ કેસમાં નવો ખુલાસો! i20 પછી ઈકોસ્પોર્ટ કારને શોધી રહી છે પોલીસ

દિલ્લી બ્લાસ્ટ કેસની તપાસ દરમિયાન પોલીસને એક મોટી લીડ હાથે લાગી છે. તપાસમાં એ ખુલાસો થયો છે આરોપીઓ પાસે hyundai i 20 સીવાય એક બીજી કાર હતી. આ પછી દિલ્લીના દરેક પોલીસ સ્ટેશન, પોલીસ ચોકી અને બોર્ડર ચેક પોઈન્ટ પર સાવચેત રહેવાની સુચના આપવામાં આવી છે. કારનો રજીસ્ટ્રેશન નંબર, DL10CK0458, ઉમર ઉન નબીના નામે છે અને રાજૌરી ગાર્ડન RTO પરથી 22 નવેમ્બર, 2017 નો હોવાનું સામે આવ્યું છે.

દિલ્હી પોલીસે તમામ ટીમોને રેડ કલરની ફોર્ડ ઇકોસ્પોર્ટ કાર શોધવા માટે સૂચના આપી છે. 5 ટીમો હાલમાં વિવિધ વિસ્તારોમાં સતત સર્ચ ઓપરેશન ચલાવી રહી છે. ઉત્તર પ્રદેશ અને હરિયાણા પોલીસને પણ એલર્ટ કરવામાં આવી છે. નજીકના ટોલ પ્લાઝા પરથી પણ કાર વિશે માહિતી એકત્રિત કરવામાં આવી રહી છે. અહેવાલો અનુસાર, પોલીસને કોઈપણ રેડ ફોર્ડ ઇકોસ્પોર્ટ, ખાસ કરીને DL10CK0458 નંબર, તાત્કાલિક રોકવા અને જપ્ત કરવા સૂચના આપવામાં આવી છે. પેટ્રોલિંગ પર અથવા ચોકીઓ પર હાજર તમામ સ્ટાફને સંપૂર્ણપણે સતર્ક રહેવાનો આદેશ આપવામાં આવ્યો છે.

નોંધનીય છે કે રેડ ફોર્ડ ઇકોસ્પોર્ટ કાર જેના માટે એલર્ટ જારી કરવામાં આવ્યું છે તે પણ ઉમર ઉન નબી, જેને ઉમર મોહમ્મદ તરીકે પણ ઓળખવામાં આવે છે, તેના નામે ખરીદવામાં આવી હતી. કાર ક્યાં છે તે હાલમાં અજાણ છે. તપાસમાં જાણવા મળ્યું છે કે ઉમર મોહમ્મદે કાર ખરીદવા માટે ખોટા એડ્રેસનો ઉપયોગ કર્યો હતો. તેણે પોતાના દસ્તાવેજોમાં ઉત્તરપૂર્વ દિલ્હીમાં એક ઘરનું એડ્રેસ આપ્યું હતું. દિલ્હી પોલીસે ગઈકાલે મોડી રાત્રે આ એડ્રેસ દરોડો પાડ્યો હતો અને કડીઓ મેળવવાનો પ્રયાસ કર્યો હતો.

પોલીસ ચોકીઓ અને બોર્ડર એરિયા એલર્ટ પર

ફરીદાબાદનો 29 ઓક્ટોબરનો એક નવો વીડિયો સામે આવ્યો છે. આ ફૂટેજ પેટ્રોલ પંપ પાસેનો છે, જે પોલ્યુશન ચેક કરાવતા પહેલાનો હોવાનું કહેવાય છે. કારમાં ત્રણ લોકો જોવા મળે છે. તપાસ એજન્સીઓના જણાવ્યા અનુસાર, ઉમર અને તારિક પોતે પોલ્યુશન તપાસ કરાવવા આવ્યા હતા.

ફૂટેજમાં એક મિનિટ અને પાંચ સેકન્ડમાં, બે માણસો બેગ લઈને જતા દેખાય છે, જેમની ઓળખ ઉમર અને તારિક તરીકે થઈ છે. પોલીસ હવે તેમની ગતિવિધિઓની તપાસ કરી રહી છે. આ કેસના સંદર્ભમાં, રોયલ કાર ઝોનના માલિકની અટકાયત કરવામાં આવી છે.

વધુ વાંચો; કચ્છમાં કરૂણાંતિકા, પાણીની ટાંકીમાં ડૂબી જવાથી માતા અને બે દીકરીના મોત

રેડ ફોર્ડ ઇકોસ્પોર્ટ કારની શોધખોળ ચાલી રહી છે

એક વ્યક્તિએ જણાવ્યું હતું કે સોમવારે રાત્રે 10 વાગ્યાની આસપાસ પોલીસ ઘટનાસ્થળે પહોંચી હતી અને માલિકને લઈ ગઈ હતી. દુકાન હવે બંધ છે, અને સાઇનબોર્ડ પરના બધા નંબર ગાયબ છે. એવું કહેવામાં આવી રહ્યું છે કે વિસ્ફોટમાં વપરાયેલી હ્યુન્ડાઇ i20 આ જ રોયલ કાર ઝોનમાંથી વેચાઈ હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ