સારાં સમાચાર / હવે યુઝર્સને માત્ર 5 રૂપિયામાં મળશે Netflixનું મંથલી સબસ્ક્રિપ્શન, જાણો શું છે ઓફર

• નેટફ્લિક્સ ભારત વધુને વધુ ગ્રાહકો મેળવવા માંગે છે
• કંપનીમાં નવા ગ્રાહકો જોડવા નેટફ્લિક્સ લાવતું રહે છે ઓફર્સ
• હવે યુઝર્સને 5 રૂપિયામાં નેટફ્લિક્સનું એક મહિનાનું સબસ્ક્રિપ્શન મળશે

મળતી માહિતી મુજબ, નેટફ્લિક્સ ભારતમાં નવા મેમ્બર્સ માટે નવી પ્રારંભિક ઓફરનું પરીક્ષણ કરી રહ્યું છે. આ ઓફર હેઠળ, નેટફ્લિક્સ મેમ્બરશિપ માટે સાઈન અપ કરનાર નવા યુઝર્સને પ્રથમ મહિનાનું સબસ્ક્રિપ્શન 5 રૂપિયામાં મળશે. પછી પ્રથમ મહિનો સમાપ્ત થયા બાદ યુઝર્સને પસંદ કરેલાં પ્લાન પ્રમાણે ચાર્જ ચૂકવવો પડશે.

આ ઓફર 21 ફેબ્રુઆરીથી રજૂ કરવામાં આવી છે અને રિપોર્ટમાં કહેવામાં આવ્યું છે કે બધાં મેમ્બર્સને આ પ્રમોશનલ ઓફરનો લાભ મળશે નહીં. આ પ્રમોશનલ ઓફર બધા જ નેટફ્લિક્સ સબસ્ક્રિપ્શન પ્લાન માટે વેલિડ છે. એવામાં તમે ભલે 199 રૂપિયાનો મોબાઈલ ઓનલી પ્લાન ખરીદો અથવા મહિને 799 રૂપિયાનો મોંઘો પ્લાન ખરીદો છો પર તમને પહેલાં મહિનાનું સબસ્ક્રિપ્શન ફક્ત 5 રૂપિયામાં મળશે. એકમાત્ર શરત એ છે કે, નવા સભ્યને આ ઓફર દેખાવી જોઈએ, જે કંપની પર નિર્ભર કરે છે. 

તમને જણાવી દઈએ કે, નેટફ્લિક્સ અત્યારે પણ તમામ ઓફર્સ આપ્યા બાદ પણ ભારતમાં સૌથી મોંઘા સબસ્ક્રિપ્શન પ્લાન્સ ઓફર્સ કરે છે. એમેઝોન દ્વારા એમેઝોન પ્રાઈમ વીડિયો માત્ર 129 રૂપિયા પ્રતિ મહિનાના દરથી ઉપલબ્ધ છે. સાથે જ આ સબસ્ક્રિપ્શનમાં એમેઝોન પ્રાઈમ મ્યુઝિકનો લાભ પણ યુઝર્સને મળે છે. આ સબસ્ક્રિપ્શનની સૌથી સારી વાત એ છે કે, આના કોઈપણ પ્લાનમાં વીડિયો રિઝોલ્યૂશન માટે કોઈ રિસ્ટ્રિક્શન નથી. બીજી બાજુ હોટ સ્ટાર દ્વારા ભારતમાં મંથલી પ્રીમિયમ પ્લાન 199 રૂપિયા છે.