દિલ્હી / આવું કરાય? ભારતમાં આવતાં જ તાલિબાની સરકારના વિદેશ મંત્રીએ કરી નાખ્યું ચોંકાવનારુ, દેશમાં ખળભળાટ

અફઘાનિસ્તાનની તાલિબાન સરકારના વિદેશ મંત્રી અમીર ખાન મુત્તાકીએ ભારતમાં આવ્યાં બાદ એક મોટો વિવાદ ઊભો કર્યો છે. મહિલાઓના અવાજને કચડવા માટે જાણીતા તાબિલાની મંત્રીએ દિલ્હીમાં એક પ્રેસ કોન્ફરન્સ યોજી હતી અને તેમાં મહિલા પત્રકારોના આવવા પર પ્રતિબંધ મૂકી દેતાં રાજકીય હોબાળો મચ્યો હતો. આ ઘટના વિદેશ મંત્રી એસ. જયશંકર સાથેની તેમની વાતચીતના કલાકો પછી બની સરકારે જણાવ્યું છે કે દિલ્હીમાં અફઘાન દૂતાવાસમાં અફઘાન વિદેશ મંત્રી દ્વારા યોજવામાં આવેલી પ્રેસ કોન્ફરન્સમાં ભારતીય વિદેશ મંત્રાલયનો કોઈ હાથ નહોતો.

વિદેશ મંત્રાલયનો કોઈ હાથ નથી- ભારત

તાલિબાન શાસન પર અફઘાનિસ્તાનમાં મહિલાઓના અધિકારોને પ્રતિબંધિત કરવાનો આરોપ મૂકવામાં આવ્યો છે, અને મુત્તાકીએ મહિલાઓની સ્થિતિ અંગે સીધો પ્રશ્ન ટાળતા કહ્યું કે દરેક દેશના પોતાના રિવાજો હોય છે. આ મુદ્દાએ દેશમાં રાજકીય ગરમી વધારી દીધી છે. કોંગ્રેસના સાંસદ પ્રિયંકા ગાંધીએ પીએમ મોદીને ઘેરવાનો પ્રયાસ કર્યો છે.

વધુ વાંચો : 1,22,000થી નીચે ઉતરીને સીધું 77,700 રુપિયા સુધી સસ્તું થશે સોનું! એક્સપર્ટે આપ્યાં રાહતના સમાચાર

પ્રિયંકા ગાંધીએ શું કહ્યું

પ્રિયંકા ગાંધીએ સોશિયલ મીડિયા પ્લેટફોર્મ X પર લખ્યું, "વડાપ્રધાન નરેન્દ્ર મોદી, કૃપા કરીને સ્પષ્ટ કરો કે ભારતની મુલાકાતે આવેલા તાલિબાન પ્રતિનિધિની પ્રેસ કોન્ફરન્સમાંથી મહિલા પત્રકારોને કેમ દૂર કરવામાં આવ્યા. જો મહિલા અધિકારો વિશે તમારી વાત ફક્ત ચૂંટણી સમયના પોશાકની નથી, તો પછી દેશની કેટલીક સૌથી સક્ષમ મહિલાઓનું આ અપમાન આપણા દેશમાં કેવી રીતે થવા દેવામાં આવ્યું? આ એ જ દેશ છે જ્યાં મહિલાઓ કરોડરજ્જુ અને ગૌરવ છે. તૃણમૂલ કોંગ્રેસના સાંસદ મહુઆ મોઇત્રાએ પણ મુત્તાકીની પ્રેસ કોન્ફરન્સ પર ભારત સરકાર અને વિદેશ મંત્રી એસ. જયશંકર પર આકરા પ્રહારો કર્યા. ઇન્સ્ટાગ્રામ પર એક પોસ્ટમાં, મોઇત્રાએ સરકાર પર સવાલ ઉઠાવતા પૂછ્યું કે સરકારે મહિલા પત્રકારોને બાકાત રાખીને સંપૂર્ણ પ્રોટોકોલ સાથે તાલિબાનના પ્રતિનિધિને ભારતીય ભૂમિ પર પ્રેસ કોન્ફરન્સ કેવી રીતે કરવાની મંજૂરી આપી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ