નવીનતા / આ રેલ્વેના ડબ્બા નથી પરંતુ ઑફિસ છે, જોઈને વિશ્વાસ નહીં થાય

જોકે દિલ્હીના ચાણક્યપુરીમાં સ્થિત નેશનલ રેલ મ્યૂઝિયમને કંઇક અલગ રીતે બનાવવામાં આવ્યુ છે. વર્ષોથી પડેલા રેલવે કોચમાં જોડાઇ ઑફિસ તૈયાર કરવામાં આવી છે. 

આ કોચ નેશનલ રેલ્વે મ્યૂઝિયમની ઑફિસ છે, જ્યાં પ્રશાસનિક વિભાગ અહીંયા બેસીને કામ કરે છે. મ્યૂઝિયમના ડિરેક્ટર પણ આ ઑફિસમાં બેસે છે. ડિરેક્ટર ઑફિસ સિવાય તેમાં વિઝિટર રૂમ પણ છે, જ્યાં સ્ટાફ બેસીને કામ કરે છે. 

નેશનલ રેલ મ્યૂઝિયમના ડિરેક્ટર અમિત સોરાષ્ટ્રી જણાવે છે કે, અહીંયા રૂમ નાના છે. પહેલા સ્ટાફ અલગ-અલગ બેસીને કામ કરતા હતા, જોકે હવે એક મોટા કોચમાં એકસાથે બેસીને કામ કરે છે. 

ડિરેક્ટરે આગળ કહ્યુ કે, આ પ્લાન રેલ્વે બોર્ડના પૂર્વ ચેરમેન અશ્વિની લોહાનીનો હતો, જેના પર તેમણે કામ કર્યુ. રેલ્વેના 2 કોચ 25 વર્ષથી પોતાની સર્વિસ પછી અહીંયા પડી રહ્યા હતા. મ્યૂઝિયમના ડિરેક્ટરે કહ્યુ કે, આ ઑફિસ જોવામાં અલગ લાગવાની સાથે સાથે અફોર્ડેબલ છે, તેમાં ઇંટથી બનેલી ઑફિસથી ઓછી કિંમતમાં તૈયાર થાય છે.