ભયાનક / VIDEO : ડે કેરમાં દરિંદગી, નોકરાણીએ બાળકીને જમીન પર પટકી, રુવાંડા ઊભા કરી દેનારો વીડિયો

Viral Video: ઝડપથી બદલાઈ રહેલા યુગમાં બધુ જ ફાસ્ટ થઈ રહ્યું છે તેમજ સતત વધતી જઈ રહેલી મોંઘવારીમાં બે છેડા ભેગા કરવા માટે હવે મોટાભાગના ઘરોમાં પતિ અને પત્ની બંને નોકરી કરતા હોય છે. અને કેટલાક ઘરોમાં દાદા કે દાદી પણ હોતા નથી, તેવા કિસ્સાઓમાં સંતાનની સંભાળ એક જટીલ સમસ્યા બને છે, જો કે હવે બાળકોની સંભાળ રાખવા માટે કેરટેકર રાખવામાં આવે છે.

આંખ ઉઘાડનારો કિસ્સો સામે આવ્યો

આ કેરટેકર બાળકને સાચવવા માટે સારામાં સારો પગાર પણ લે છે. જો કે કેટલાક કિસ્સાઓમાં કેરટેકરને બાળકને સાચવવામાં જ નહી પરંતુ તેને મળતા પૈસામાં જ રસ હોય છે. તમારુ બાળક સચવાય છે તે વાત ભૂલ ભરેલી છે. અને આવો જ એક આંખ ઉઘાડનારો કિસ્સો સામે આવ્યો. કેરટેકર મહિલાએ તમે ક્યારેય વિચાર્યું પણ નહીં હોય તેવું બાળક સાથે કૃત્ય કર્યું હતું. જેનો વીડિયો સોશિયલ મીડિયા પર વાયરલ થયો છે.

મહિલાએ નિર્દયતાની હદ વટાવી

ઉત્તર પ્રદેશમાંથી એક હચમચાવતી ઘટના સામે આવી છે. જેમાં 15 મહિનાની બાળકી સાથે કેરટેકર મારપીટ કરે છે. મહિલાએ નિર્દયતાની હદ વટાવતા બાળકીને જમીનમાં પટકે છે, બાળકીનું માથું ભીંત સાથે અથડાવે છે. એટલું જ નહીં બાળકીને બચકા ભર્યા, પ્લાસ્ટિકના બેલ્ટથી માર માર્યો. ઘટના થોડા દિવસો પહેલાની હોવાનું કહેવાય છે. જ્યારે બાળકીની માતા આવી ત્યારે બાળકીને સતત રડતી જોઈ તેમજ ઈજાના નિશાન પણ દેખાતા તે બાળકીને ડૉક્ટર પાસે લઈ ગઈ હતી.

વધુ વાંચો : VIDEO : જીવલેણ એક્સિડન્ટમાં મરેલી પત્નીની લાશ બાઈક સાથે બાંધીને લઈ ગયો પતિ, વીડિયો વાયરલ

રુવાંડા ઉભા કરી દે તેવા CCTV

બાળકીની માતા અને અન્ય લોકોને શંકા ગઈ અને તેમણે કેર સેન્ટરના સીસીટીવી ફૂટેજ ચેક કર્યા હતા. જેમાં રુવાંડા ઉભા કરી દે તેવા ફૂટેજ જોવા મળ્યા હતા. આ પછી બાળકીની માતાની ફરિયાદ પર, સેન્ટરે શરૂઆતમાં આ મામલાને ટાળવાનો પ્રયાસ કર્યો. પરંતુ કેસમાં કડકતા દાખવવામાં આવી અને પોલીસે ફરિયાદ નોંધીને કેરટેકરની ધરપકડ કરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ