ગુરુ દક્ષિણા / ગુરુ પૂર્ણિમાના અવસર પર એક ભક્તે શિરડી સાંઈબાબાને અર્પણ કર્યો 59 લાખનો મુગટ

ગુરુ પૂર્ણિમા અવસર પર શિરડી શહેર આજે લાખો ભક્તોથી ભરેલું છે. દેશભરમાંથી ભક્તો શ્રી સાંઈ બાબાને પોતાના ગુરુ માનીને તેમની શ્રદ્ધા વ્યક્ત કરવા આવ્યા છે. 1908 માં સાંઈ બાબાની પરવાનગીથી શરૂ થયેલા આ ઉત્સવની પરંપરા 117 વર્ષથી ચાલી રહી છે.

આ વર્ષે ગુરુ પૂર્ણિમા ગુરુવારે હતી અને એવો અંદાજ છે કે આ બેવડા શુભ પ્રસંગે, લગભગ ત્રણ લાખ ભક્તોએ શ્રી સાંઈના નામનો જાપ કર્યો અને સાંઈ સમાધિ પર દર્શન કર્યા. ભક્તોની ભારે ભીડને કારણે, સાંઈ સંસ્થાન દ્વારા ગોઠવવામાં આવેલી દર્શન કતાર પહેલીવાર રસ્તા પર છલકાતી જોવા મળી.

આ અવસરે સાંઈ સમાધિ મંદિર, દ્વારકામાઈ, ચાવડી અને ગુરુસ્થાન મંદિરોને સુંદર ફૂલોથી શણગારવામાં આવ્યા હતા. શ્રી સાંઈ બાબાની મૂર્તિ સુવર્ણ આભૂષણોથી શણગારેલી છે અને બાબાના આ સુંદર સ્વરૂપને જોઈને ઘણા ભક્તો અભિભૂત થયા હતા. ગુરુના ચરણોમાં કૃતજ્ઞતા વ્યક્ત કરવા માટે, ઘણા ભક્તોએ તેમની ક્ષમતા મુજબ ગુરુ દક્ષિણા અર્પણ કરી.

વધુ વાંચો: કાંતિ અમૃતિયાની ચેલેન્જ ગોપાલ ઈટાલીયાએ સ્વીકારી, 12 તારીખે બંને રાજીનામું આપશે?

566 ગ્રામનો સોનાનો મુગટ ચઢાવ્યો

એક ભક્તે 59 લાખ રૂપિયાની કિંમતનો 566 ગ્રામ વજનનો સોનાનો મુગટ અર્પણ કર્યો, જ્યારે બીજા ભક્તે 3 લાખ 5 હજાર રૂપિયાની કિંમતનો 54 ગ્રામ વજનનો સોનાનો બ્રોચ અર્પણ કર્યો. આ સીવાય, એક ભક્તે સાંઈ બાબાને 2 કિલો ચાંદીનો હાર પણ દાનમાં આપ્યો. આ ઉપરાંત, ભક્તોએ દાન કાઉન્ટર અને દાન પેટીઓ પર પણ ઉદાર હાથે દાન આપ્યું છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ