મેલી વિદ્યા / બ્લેક મેજિક! ગ્રામ પંચાયતની ઓફિસમાં શખ્સનું ગળું કાપીને ધડ વગરની લાશ તળાવમાં ફેંકી, મચ્યો હાહાકાર

લોકોમાં બ્લેક મેજિક કરતાં તો તેના ડરનો ખૌફ ચાલી રહ્યો છે. બ્લેક મેજિક અર્થાત જાદુ ટોણાની વાત આવતાં લોકો દહેશતમાં આવી જાય છે. ઓડિશાના કાલાહાંડીમાં મેલી વિદ્યાની આશંકાએ 65 વર્ષના એક વૃદ્ધની પંચાયતની ઓફિસમાં ગળું કાપીને હત્યા કરી દેવાતાં સનસનાટી મચી હતી. એટલું જ નહીં પરંતુ તેની ધડ વગરની લાશ તળાવમાં તરતી મળી આવતાં સનસનાટી મચી હતી.

ગામના તળાવમાં મળ્યું માથા વગરનું ધડ

પોલીસે ગુરુવારે જણાવ્યું હતું કે, કાલાહાંડીના કલમપુરમાં રૂપસિંહ માઝી નામના શખ્સનું માથા વગરનું શરીર ગામના તળાવમાંથી મળી આવ્યું હતું. હત્યા 18 મેની રાત્રે થઈ હતી. વૃદ્ધ વ્યક્તિ બે દિવસ સુધી ઘરે ન ફર્યા બાદ, રૂપસિંહના ભાઈ દુર્જન માઝીએ 20 મેના રોજ કલામપુર પોલીસ સ્ટેશનમાં ગુમ થયાની ફરિયાદ નોંધાવી હતી.

પંચાયતની ઓફિસમાં ગળું કાપ્યું

23 મેના રોજ, પોલીસને દેયપુર પંચાયત ઓફિસની પાછળ લોહીના ડાઘા મળી આવ્યા હતા, જેનાથી શંકા ઉભી થઈ હતી. તપાસ દરમિયાન, એવું બહાર આવ્યું કે રૂપસિંહ ગુમ થયા પછી તરત જ એક સ્થાનિક યુવક ગામ છોડીને ચાલ્યો ગયો હતો. પોલીસે બાદમાં ગોવાથી 21 વર્ષીય શંકાસ્પદ યુવકની ધરપકડ કરી.

વધુ વાંચો : VIDEO : જંગલમાં જમરાજ પ્રગટ્યો! 'હથિયાર'થી કર્યો એવો પ્રહાર કે પ્રવાસીઓ જીવ લઈને ભાગ્યાં, સાક્ષાત મોત!

શું હતું હત્યાનું કારણ

પૂછપરછ દરમિયાન, યુવકે પંચાયત કાર્યાલય પરિસરમાં કુહાડીથી રૂપસિંહની હત્યા કરી હોવાની કબૂલાત કરી, અને દાવો કર્યો કે તે માનતો હતો કે પીડિત જાદુટોણા કરતો હતો. પોલીસે જણાવ્યું કે ત્યારબાદ તેણે મૃતદેહને તળાવમાં ફેંકી દીધો હતો. પોલીસે આરોપીને ગુનાના સ્થળે લઈ આવી હતી.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ