ઓડિશા એન્જિનિયર / VIDEO : 1 કરોડની નોટના બંડલ ફ્લેટની બારીમાંથી ઘા કરીને ફેંકી દીધાં, હેરાનીભર્યું કારણ, લોકોનો જીવ બળ્યો

ખોટી રીતે પૈસા ભેગા કરવા સરળ છે પરંતુ જ્યારે પકડમાં આવે ત્યારે સૌથી પહેલાં જ તેનો જ નિકાલ કરવો પડતો હોય છે. ઓડિશાના ભુવનેશ્વરમાં એક સરકારી કર્મચારીએ ખોટી રીતે 2 કરોડ રુપિયા ભેગા કર્યાં હતા પરંતુ જ્યારે વિજિલન્સની રેડ પડી ત્યારે જોવા જેવી થઈ હતી.

2 કરોડથી વધુની રોકડ મળી

ઓડિશાના ભુવનેશ્વરમાં એક વ્યક્તિએ પોતાના એપાર્ટમેન્ટની બારીમાંથી 500 રૂપિયાની નોટોના બંડલ ફેંકી દીધા ત્યારે રોકડનો વરસાદ થઈ રહ્યો હતો. આ વ્યક્તિની ઓળખ રાજ્ય સરકારના કર્મચારી, વૈકુંઠ નાથ સારંગી તરીકે થઈ છે, જે રાજ્યના ગ્રામીણ વિકાસ વિભાગમાં મુખ્ય ઇજનેર છે. અને, સરકારે કથિત ભ્રષ્ટાચાર અને અપ્રમાણસર સંપત્તિના કેસમાં તેમની પાસેથી 2 કરોડ રૂપિયાથી વધુ રોકડ વસૂલ કરી છે. વિજિલન્સ વિભાગે 2.1 કરોડ રૂપિયા રોકડા જપ્ત કર્યા છે.

આવક કરતાં વધારે સંપત્તિ ભેગી કર્યા બાદ રેડ

સારંગી પાસે તેમની આવકના જાણીતા સ્ત્રોતો કરતાં વધુ સંપત્તિ હોવાના આરોપો બાદ આ શોધ હાથ ધરવામાં આવી હતી. આઠ નાયબ પોલીસ અધિક્ષક (DSP), 12 નિરીક્ષકો અને છ સહાયક સબ-ઇન્સ્પેક્ટર (ASI) સહિત 26 પોલીસ અધિકારીઓની ટીમ દ્વારા અન્ય સહાયક સ્ટાફ સાથે શોધખોળ હાથ ધરવામાં આવી હતી.

વધુ વાંચો : બ્લેક મેજિક! ગ્રામ પંચાયતની ઓફિસમાં શખ્સનું ગળું કાપીને ધડ વગરની લાશ તળાવમાં ફેંકી, મચ્યો હાહાકાર

અધિકારીઓ રોકડના ઢગલા ગણતાં દેખાયાં

સર્ચ ઓપરેશનના વીડિયોમાં, અધિકારીઓ રોકડના ઢગલા ગણતા જોઈ શકાય છે, મુખ્યત્વે 500 રૂપિયાની નોટોના બંડલ, જેમાં 200 રૂપિયા, 100 રૂપિયા અને 50 રૂપિયાની નોટોના કેટલાક બંડલનો સમાવેશ થાય છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ