નાગપુર / કોરાડી મંદિરનો નિર્માણાધીન ગેટ ધરાશાયી, 17 મજૂરો ઘાયલ, 3ની હાલત ગંભીર

મહારાષ્ટ્રના નાગપુરમાં એક મોટી દુર્ઘટના બની છે. કોરાડીમાં મહાલક્ષ્મી જગદંબા દેવસ્થાનના નિર્માણાધીન દરવાજાનો એક ભાગ તૂટી પડતાં 17 મજૂરો ઘાયલ થઈ ગયા, જેમાંથી 3 લોકોની હાલત ગંભીર છે. આ ઘટના શનિવારે રાત્રે 8 વાગ્યાની આસપાસ બની. આ બનાવ અંગે મળતી માહિતી પ્રમાણે, દુર્ઘટના પછી તરત જ પોલીસ, ફાયર બ્રિગેડ અને નજીકના લોકોએ બચાવ કામગીરી શરૂ કરી દીધી હતી. નેશનલ ડિઝાસ્ટર રિસ્પોન્સ ફોર્સ (NDRF) ની ટીમ પણ ઘટનાસ્થળે પહોંચી ગઈ અને બચાવ કાર્ય શરૂ કરી દીધું.

માહિતી પ્રમાણે, તમામ ઘાયલ મજૂરોને હોસ્પિટલમાં દાખલ કરવામાં આવ્યા છે. જિલ્લા કલેક્ટર અને ડેપ્યુટી કમિશનર ઘટનાસ્થળે પહોંચીને પરિસ્થિતિનો તાગ મેળવી રહ્યા છે. હજુ સુધી ગેટ ધરાશાયી થવાનું કારણ સામે આવ્યું નથી. અધિકારીઓએ જણાવ્યું કે જલ્દી જ નિષ્ણાતોની એક ટીમ ઘટના સ્થળનું નિરીક્ષણ કરશે, જેથી ઘટના બનવાનું સાચું કારણ જાણી શકાય.

NDRFનું નિવેદન

NDRFના એક અધિકારીએ જણાવ્યું કે, જયારે NDRFની ટીમ અહીં પહોંચી, તો આખો ઢાંચો ધરાશાયી થઈ ચુક્યો હતો. જયારે મેં પૂછ્યું તો અમને કહેવામાં આવ્યું કે અહીં કામ કરતા તમામ લોકો ઘાયલ થયા છે, પણ તેમને બચાવી લેવામાં આવ્યા છે. અહીં કોઈ ફસાયેલું મળ્યું નથી. અમે પહેલા લોકોને શોધ્યા, પછી ડૉગ્સની મદદ લીધી. હજુ સુધી કોઈ અહીં ફસાયેલું દેખાયું નથી. પરંતુ પહેલા અમારે કાટમાળ સાફ કરવો પડશે, એ પછી જ સ્થિતિ સ્પષ્ટ થશે.

આ પણ વાંચો: ઉત્તરાખંડમાં વધુ એક મુસીબત, હવે રુદ્રપ્રયાગમાં ભૂસ્ખલન, NH-109 પર લાગી બ્રેક

હાલમાં JCBની મદદથી કાટમાળ હટાવવાનું કામ ચાલી રહ્યું છે. જણાવી દઈએ કે મહારાષ્ટ્રના કેટલાક વિસ્તારોમાં હાલમાં ભારે વરસાદ થઈ રહ્યો છે. વરસાદને કારણે જુદા-જુદા વિસ્તારોમાં દુર્ઘટનાઓ પણ થઈ રહી છે. નાગપુરમાં પણ કેટલાક દિવસોથી વરસાદ થઈ રહ્યો છે, જેને કારણે જનજીવન અસ્તવ્યસ્ત થઈ ગયું છે. આ ઘટનાએ સ્થાનિકોમાં ડર પેદા કરી દીધો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ