ઉજ્જૈન / નવો વેવાઇ-વેવાણકાંડ બહાર આવતા હડકંપ, દિકરી ઘરે પડી રહી ને માતા ભાગી ગઇ

એવું કહેવાય છે કે પ્રેમ ગમે તે ઉંમરે થઈ શકે છે અને ગમે ત્યારે કોઈપણ વ્યક્તિ પસંદ પણ આવી શકે છે આવી જ ઘણી ઘટનાઓમાંની એક મધ્યપ્રદેશના ઉજ્જૈનમાં બની છે. જ્યાં એક મહિલા તેના 2 બાળકો અને પતિને છોડીને તેની દીકરાના સસરા એટલે કે વેવાઈ સાથે ભાગી ગઈ હતી. પરિવારે શરૂઆતમાં મહિલાની શોધ કરી પરંતુ તેની ભાળ ના મળતા અંતે પોલીસ સ્ટેશનમાં ફરિયાદ કરાવી અને પોલીસે આ ભાગેડુ વેવાઈ-વેવણને શોધી કાઢ્યા છે.

એવું કહેવાય છે કે પ્રેમ ઉંમર, સંબંધો કે સામાજિક સીમાઓને અવગણે છે. ઉજ્જૈન જિલ્લાના બડનગરમાં આવો જ એક કિસ્સો સામે આવ્યો છે. જ્યાં 45 વર્ષીય મહિલા તેની દીકરાના ભાવિ પતિના પિતા એટલે કે દીકરાના સસરા સાથે ઘર છોડીને ચાલી ગઈ હતી. આ ઘટના તેના પરિવારે ગુમ થયાની ફરિયાદ નોંધાવ્યા બાદ પ્રકાશમાં આવી હતી. પોલીસે મહિલાને શોધી કાઢી છે અને તેને તેના ઘરે પરિવાર પાસે પછી મોકલી છે.

પતિ અને 2 બાળકોને રેઢા મૂકીને ચાલી નીકળી

અહેવાલો અનુસાર બારનગર પોલીસ સ્ટેશન વિસ્તારના ઉંટવાસા ગામની એક મહિલા આઠ દિવસથી ગુમ હતી. તેના પરિવારે તેની શોધખોળ કરી પરંતુ કોઈ પત્તો લાગ્યો નહીં. ત્યારબાદ તેઓએ પોલીસની મદદ લીધી અને ગુમ થયાની ફરિયાદ નોંધાવી. ત્યારબાદ બારનગર પોલીસે શોધખોળ શરૂ કરી અને આખરે તેણીને શોધી કાઢી.

તપાસ દરમિયાન પોલીસે જે સત્ય બહાર આવ્યું તે સાંભળીને બધા ચોંકી ગયા હતા. આ વાતનો ખુલાસો આપતા મહિલાએ કહ્યું કે તે સ્વેચ્છાએ તેના પતિ અને બે બાળકોને છોડીને તેના પ્રેમી સાથે રહેવા આવી હતી. આટલું જ નહીં પણ તેનો પ્રેમી બીજું કોઈ નહીં પણ તેના દીકરાનો થનાર સસરો હતો તે વાતથી આખો પરિવર અજાણ હતો. જ્યારે મહિલાએ તેના પ્રેમી વિશે જાણ કરી ત્યારે પોલીસ અને તેના પરિવારજનો પણ સ્તબ્ધ થઈ ગયા હતા. મહિલાના દીકરાની સગાઈ તે પુરુષની પુત્રી સાથે થઈ હતી. પરંતુ સગાઈ પહેલા, તેઓ નજીક આવી ગયા અને ભાગી જવાનું નક્કી કર્યું.

પરિવારે 8 દિવસ પહેલા FIR નોંધાવી હતી

જ્યારે પોલીસે બંનેને પોલીસ સ્ટેશન બોલાવ્યા ત્યારે તેમણે કબૂલ્યું કે તેઓ પ્રેમમાં હતા અને પોતાની મરજીથી સાથે રહેવા માંગતા હતા. મામલો અંગત હોવાથી, પોલીસે કોઈ કાર્યવાહી કરી નહીં અને મહિલાને સુરક્ષિત રીતે તેના પરિવારને સોંપી દીધી. આ અંગે મીડિયા સાથે વાત કરતાં બારનગર પોલીસ સ્ટેશનના ઇન્ચાર્જ અશોક પાટીદારે જણાવ્યું કે આશરે 45 વર્ષીય મહિલા માટે આઠ દિવસ પહેલા ગુમ થયાની ફરિયાદ દાખલ કરવામાં આવી હતી.

વધુ વાંચો: વધુ એક વાર ભાગદોડની ભયાનક ઘટના, 10 શ્રદ્ધાળુઓએ ગુમાવ્યા જીવ, તંત્ર દોડતું થયું

તપાસમાં જાણવા મળ્યું કે મહિલા આધેડ લગભગ 50 વર્ષના વર્ષના પુરુષ સાથે ભાગી ગઈ હતી. તપાસમાં જાણવા મળ્યું કે મહિલાના દીકરા અને તેના પ્રેમીની દીકરીની સગાઈ નક્કી થઈ હતી. જોકે, સગાઈ થાય તે પહેલાં જ મહિલા તે પુરુષ સાથે ભાગી ગઈ.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ