દુર્ઘટના / લખનૌમાં ઝૂંપડપટ્ટીમાં ભીષણ આગ, સિલિન્ડર બ્લાસ્ટથી ભયાનક દૃશ્ય

Uttarpradesh Lucknow Fire News: ઉત્તરપ્રદેશના લખનૌમાં એક ભયાનક આગની ઘટના સામે આવી છે. જેમાં ઝૂંપડપટ્ટી વિસ્તારમાં ભીષણ આગ ફાટી નીકળી હતી. આ અચાનક લાગેલી આ આગે થોડી જ વારમાં વિકરાળ સ્વરૂપ ધારણ કર્યું હતું. આગના કારણે બે ડઝનથી વધુ ઝૂંપડીઓ સંપૂર્ણપણે ખાક થઈ ગઈ હોવાની માહિતી મળી રહી છે. ઘટનાના સમયે લોકો પોતાનું જીવન બચાવવા માટે અહીંથી ત્યાં દોડતા જોવા મળ્યા હતા. જેના કારણે સમગ્ર વિસ્તારમાં ભયનો માહોલ છવાઈ ગયો હતો.

આ આગ વધુ ભયાનક બની ગઈ જ્યારે વિસ્તારમાં રહેલા ગેસ સિલિન્ડરો એક પછી એક ફાટવા લાગ્યા. અંદાજે 100થી વધુ સિલિન્ડર બ્લાસ્ટ થતા આગે વિકરાળ સ્વરૂપ ધારણ કર્યું હતું. આ વિસ્ફોટોના અવાજ અને આગના જ્વાળાઓના કારણે આસપાસના વિસ્તારોમાં પણ ગભરાટ ફેલાઈ ગયો હતો. સિલિન્ડર બ્લાસ્ટના કારણે આગ ઝડપથી ફેલાઈ અને તેને કાબૂમાં લેવી વધુ મુશ્કેલ બની ગઈ હતી.

આગના કારણે ઉઠેલા ધુમાડાના ગોટાળા એટલા મોટા હતા કે લગભગ 10 કિલોમીટર દૂર સુધી સ્પષ્ટ દેખાઈ રહ્યા હતા. સ્થાનિક લોકોના જણાવ્યા મુજબ ધુમાડા અને આગના જ્વાળાઓના કારણે આખા વિસ્તારમાં આકાશમાં કાળા વાદળો ઘેરી વળ્યા હતા. લોકો પોતાના ઘર છોડીને સુરક્ષિત સ્થળે પહોંચવા માટે મજબૂર બન્યા હતા. આ ઘટનાના કારણે અનેક પરિવારો બેઘર બનવાની ભીતિ વ્યક્ત કરવામાં આવી રહી છે. કારણ કે ઝૂંપડપટ્ટીના મોટાભાગના ઘરો સંપૂર્ણપણે નષ્ટ થઈ ગયા છે.

આ પણ વાંચો: ઝારખંડના જંગલમાં સુરક્ષાદળો અને નક્સલીઓ વચ્ચે અથડામણ, કોબ્રા બટાલિયનના 5 સૈનિક ઘાયલ

ઘટનાની જાણ થતાં જ ફાયર બ્રિગેડની અનેક ગાડીઓ તાત્કાલિક ઘટનાસ્થળે પહોંચી ગઈ હતી અને આગ પર કાબૂ મેળવવાના પ્રયાસો શરૂ કરવામાં આવ્યા હતા. ફાયર બ્રિગેડના જવાનો દ્વારા સતત પાણીના છાંટા મારવામાં આવી રહ્યા છે. પરંતુ સિલિન્ડર બ્લાસ્ટ અને ઘનતાવાળા વસવાટને કારણે કામગીરીમાં પડકારો ઉભા થયા છે. અધિકારીઓએ પરિસ્થિતિને નિયંત્રણમાં લાવવા માટે પૂરતા પગલાં લીધા હોવાનું જણાવ્યું છે અને હાલ રાહત તથા બચાવ કામગીરી ચાલુ છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ