ઝટકો / 2026 ની શરૂઆતમાં જ ખિસ્સા પર ઘા! LPG સિલિન્ડરના ભાવમાં વધારો

LPG Cylinder Price Hike: વર્ષ 2026ની આજે શરૂઆત થઈ ગઈ છે અને વર્ષના પહેલા જ દિવસે પહેલી જ તારીખે મોંઘવારીનો ઝટકો સામાન્ય જનતાને લાગુ પડ્યો છે. ઓઇલ માર્કેટિંગ કંપનીઓએ LPG સિલિન્ડરના ભાવમાં મોટો વધારો ઝીંકયો છે. દિલ્હી, મુંબઈ, કલક્તા અને ચેન્નાઈ જેવા મોટા શહેરો સહિત દેશભરમાં આજથી એટલે કે 1 જાન્યુઆરી 2026થી LPG સિલિન્ડર મોંઘો થઈ જશે. જણાવી દઈએ કે ઓઇલ કંપનીઓએ આ કિંમતમાં વધારો 1 કિલો વાળા કોમર્શિયલ LPG સિલિન્ડરમાં વધારો કર્યો છે અને હવે પ્રતિ સિલિન્ડરનો ભાવ 111 રૂપિયા થઈ ગયો છે. જો કે હજુ સુધી 14 કિલો વાળા ઘરેલુ LPG Gas Cylinderના ભાવમાં કોઈ ફેરફાર કરવામાં આવ્યો નથી.

1 જાન્યુઆરીથી લાગુ થશે નવા રેટ્સ

LPG Cylinder ના નવા રેટ્સ 1 જાન્યુઆરી 2026 થી લાગુ કરવામાં આવશે.રાજધાનીમાં અત્યારસુધી 1580.50 રૂપિયામાં મળતો 19 કિલો વાળો કોમર્શિયલ સિલેન્ડર હવે 1691.50 રૂપિયાનો મળશે. તો કલકત્તામાં તેની કિંમત 1684 રૂપિયાથી વધીને 1795 રૂપિયા થઈ ગઈ છે. આ ઉપરાંત મુંબઈમાં 1531.50 રૂપિયામાં મળતો એલપીજી સિલિન્ડર હવે 1642.50 રૂપિયામાં મળશે અને ચેન્નાઈમાં તેની કિંમત 1739.5 રૂપિયાથી વધીને 1849.50 રૂપિયા થઈ ગઈ છે.

ડિસેમ્બરમાં ઘટયા હતા ભાવ

આ પહેલા વર્ષ 2025 ના છેલ્લા મહિના ડિસેમ્બરમાં પહેલી તારીખે 19 કિલો કોમર્શિયલ ગેસ સિલિન્ડરના ભાવમાં સંશોધન કરવામાં આવ્યું હતું અને તેના ભાવમાં ઘટાડો કરવામાં આવ્યો હતો. 1 ડિસેમ્બર 2025 થી દેશભરમાં Commercial LPG Cylinder ના ભાવ ઘટાડી દેવામાં આવ્યા હતા. દિલ્હી અને કલકત્તામાં 10 રૂપિયા જ્યારે મુંબઈ અને ચેન્નાઈમાં 11 રૂપિયા સસ્તો કરવામાં આવ્યો હતો. માત્ર ડિસેમ્બરમાં જ નહીં પણ તેની પહેલા નવેમ્બર મહિનામાં પણ પહેલી તારીખે Commercial LPG Cylinderના ભાવમાં ઘટાડો કરવામાં આવ્યો હતો અને દરેક શહેરોમાં તે સસ્તો થયો હતો. અને ડિસેમ્બરમાં સતત બીજા મહિને ભાવમાં ઘટાડો નોંધાયો હતો. 1 નવેમ્બરના રોજ દિલ્હીમાં 19 કિલોના સિલિન્ડરનો ભાવ 1590 થઈ ગયો હતો, કલકત્તામાં 1694, મુંબઈમાં ઘટીને 1542 અને ચેન્નાઈમાં 1754.5 માંથી ભાવ ઘટીને 1750 રૂપિયા થયો હતો.

આ પણ વાંચો: લાખો કર્મચારીઓ માટે ખુશખબર! 8મું પગાર પંચ લાગુ, પગારમાં આવશે જોરદાર ઉછાળો

ઘરેલુ સિલિન્ડરના ભાવ યથાવત

એક બાજુ જ્યાં વર્ષની શરૂઆતમાં જ કોમર્શિયલ સિલિન્ડરના ભાવમાં ફેરફાર થયા છે, તેના ભાવમાં વધારો થયો છે એ પહેલા ઘટાડો થયો હતો તો બીજી બાજુ ઘરેલુ સિલિન્ડરની વાત કરી તો તેની કિંમત એપ્રિલથી યથાવટ રહી છે. 14 કિલો વાળા LPG સિલિન્ડરનો ભાવ 1 ડિસેમ્બરના રોજ દિલ્હીમાં 853 રૂપિયા, કલકત્તામાં 879 રૂપિયા, મુંબઈમાં 852 રૂપિયા અને ચેન્નાઈમાં 866 રૂપિયા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ