હાય ગરમી / ભારત બન્યું વિશ્વનું 'હોટસ્પોટ', ગરમીએ તોડ્યા બધા રેકોર્ડ; સૌથી ગરમ 25 શહેરોમાંથી 24 ભારતમાં

ઉત્તર ભારત હાલમાં તીવ્ર ગરમીની ઝપેટમાં છે. દેશની રાજધાની દિલ્હીમાં પરિસ્થિતિ ખૂબ જ ગંભીર બની ગઈ છે, જેના કારણે ભારતીય હવામાન વિભાગ (IMD) એ રેડ એલર્ટ જારી કર્યું છે. દિલ્હીના કેટલાક ભાગોમાં તાપમાન 45.5 ડિગ્રી સેલ્સિયસ સુધી પહોંચી ગયું છે અને આગામી 2 દિવસ સુધી ગરમીથી રાહત મળવાની કોઈ આશા નથી. જોકે, IMDની આગાહી અનુસાર, પશ્ચિમી વિક્ષેપને કારણે 13 જૂન અથવા 14 જૂનની રાત્રે હળવો વરસાદ પડી શકે છે, જે થોડી રાહત આપી શકે છે, પરંતુ આશ્ચર્યજનક વાત એ છે કે આ ખતરનાક ગરમી છતાં, દિલ્હી ભારતનું સૌથી ગરમ શહેર નથી.

દિલ્હીમાં રેડ એલર્ટ

AQI ઇન્ડિયાના અહેવાલ મુજબ, જૂન 2025માં સૌથી વધુ તાપમાન પંજાબના જલંધરમાં નોંધાયું, જ્યાં પારો 48°C સુધી પહોંચી ગયો છે. ઉત્તર ભારતના અન્ય ઘણા શહેરોમાં પણ તાપમાન 47°C ની આસપાસ છે. 11 જૂન, 2025ના ડેટા અનુસાર, વિશ્વના 25 સૌથી ગરમ શહેરોમાંથી 24 ભારતના છે. ભારત સિવાય આ લિસ્ટમાં માત્ર સાઉદી અરેબિયાનું એક શહેર, અલ હુફુફ (46°C) જ સામેલ છે, જે આ વખતે હીટવેવમાં ભારતનું નેતૃત્વ દર્શાવે છે.

દેશના બાકીના મુખ્ય શહેરોની સ્થિતિ

• દિલ્હી (મેટ્રો શહેરોમાં સૌથી ગરમ) - 43°C
• અમદાવાદ - 38°C
• ચેન્નઈ - 35°C
• કોલકાતા - 33°C
• હૈદરાબાદ - 30°C
• પુને - 31°C

આ પણ વાંચો: અડધું ભારત ભીષણ ગરમીની ઝપેટમાં, IMDનું હિટવેવનું રેડ એલર્ટ; 14 જૂનથી રાહતની અપેક્ષા

સૌથી ઠંડુ મેટ્રો શહેર બેંગલુરુ, તાપમાન માત્ર 27°C

આ ગરમીમાં પણ બેંગલુરુમાં ગરમીથી રાહત રહી છે, જ્યાં લોકો હજુ પણ ઠંડી હવાની મજા લઈ રહ્યા છે. ઉત્તર ભારતના ઘણા ભાગોમાં હીટ વેવને લીધે સામાન્ય જનજીવન પ્રભાવિત થઈ રહ્યું છે. શાળાઓ, ઓફિસો અને બહાર કામ કરતા લોકોને ખાસ સાવચેતી રાખવાની સલાહ આપવામાં આવી છે. હવે બધાની નજર વરસાદ પર ટકેલી છે જે આગામી દિવસોમાં થોડી રાહત લાવી શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ