હવામાન અપડેટ / અડધું ભારત ભીષણ ગરમીની ઝપેટમાં, IMDનું હિટવેવનું રેડ એલર્ટ; 14 જૂનથી રાહતની અપેક્ષા

દિલ્હી-NCR સહિત ઉત્તર પશ્ચિમ અને મધ્ય ભારત છેલ્લા ઘણા દિવસોથી તીવ્ર ગરમીની ઝપેટમાં છે. આકાશમાંથી આગ વરસી રહી છે અને રાજસ્થાનના શ્રીગંગાનગરમાં પારો 48 ડિગ્રી સેલ્સિયસ સુધી પહોંચી ગયો છે, જે દેશમાં સૌથી વધુ છે. દરમિયાન, ભારતીય હવામાન વિભાગ (IMD) એ તીવ્ર ગરમી અને હિટવેવ અંગે રેડ એલર્ટ જારી કર્યું છે. પરંતુ બે અઠવાડિયાના વિરામ પછી, દક્ષિણ પશ્ચિમ ચોમાસું ગુરુવારથી ફરી સક્રિય થવાની ધારણા છે અને તાજા પશ્ચિમી વિક્ષેપની અસરને કારણે, 14 જૂનની રાતથી ઉત્તર પશ્ચિમ ભારતમાં હળવો વરસાદ થવાની ધારણા છે, જેનાથી ગરમીથી થોડી રાહત મળી શકે છે.

IMDની આગાહી અનુસાર, 14 જૂનથી ઉત્તરપશ્ચિમ ભારતમાં હીટ વેવની સ્થિતિમાં ધીમે-ધીમે રાહત મળવાની સંભાવના છે. આગામી 3 દિવસ દરમિયાન ઉત્તરપશ્ચિમ અને મધ્ય ભારતમાં મહત્તમ તાપમાનમાં કોઈ ખાસ ફેરફાર થવાની શક્યતા નથી અને ત્યારબાદ ધીમે ધીમે 2-4 ડિગ્રી સેલ્સિયસનો ઘટાડો થવાની શક્યતા છે. આગામી 24 કલાક દરમિયાન પૂર્વ ભારતમાં મહત્તમ તાપમાનમાં કોઈ ખાસ ફેરફાર થવાની શક્યતા નથી અને ત્યારબાદ આગામી 3 દિવસ માટે ધીમે ધીમે 2-3 ડિગ્રી સેલ્સિયસનો ઘટાડો થવાની શક્યતા છે અને ત્યારબાદ કોઈ ખાસ ફેરફાર થવાની શક્યતા નથી. દેશના બાકીના ભાગોમાં મહત્તમ તાપમાનમાં કોઈ ખાસ ફેરફાર થવાની શક્યતા નથી.

આ રાજ્યોમાં હીટવેવ

હવામન વિભાગના જણાવ્યા અનુસરા, ઉત્તરપશ્ચિમ ભારતમાં હાલમાં ભીષણ ગરમી પડી રહી છે. આગામી 3-4 દિવસમાં પંજાબ, હરિયાણા, રાજસ્થાન, જમ્મુ અને કાશ્મીર, હિમાચલ પ્રદેશ, ઉત્તર મધ્યપ્રદેશ અને ઉત્તર પ્રદેશમાં ગરમ પવનો ફૂંકાય તેવી શક્યતા છે. આગામી ત્રણ દિવસ માટે પંજાબ, હરિયાણા અને રાજસ્થાન રેડ એલર્ટ પર રહેશે. દિલ્હી-એનસીઆર બુધવાર અને ગુરુવારે રેડ એલર્ટ પર છે, ત્યારબાદ 13 જૂને ઓરેન્જ એલર્ટ છે. વેસ્ટર્ન ડિસ્ટર્બન્સની અસરને કારણે, 13 તારીખની રાતથી હળવા વરસાદ અને વાવાઝોડા પછી થોડી રાહત મળી શકે છે.

આજથી ફરી સક્રિય થશે ચોમાસુ

દક્ષિણ-પશ્ચિમ ચોમાસા વિશે પણ સારા સમાચાર છે. લગભગ બે અઠવાડિયાના વિરામ બાદ, ચોમાસુ ગુરુવારથી ફરી સક્રિય થઈને આગળ વધવાની શક્યતા છે. IMD એ 12-15 જૂન દરમિયાન દક્ષિણ દ્વીપકલ્પ ભારતમાં કેટલાક સ્થળોએ ભારે વરસાદ અને 13 અને 14 જૂને કોંકણ અને ગોવામાં કેટલાક સ્થળોએ અત્યંત ભારે વરસાદની આગાહી કરી છે.

અડધો દેશ તીવ્ર ગરમીની ઝપેટમાં

ભારતીય હવામાન વિભાગ (IMD) અનુસાર, બુધવારે સવારે 8:30 વાગ્યા સુધીના છેલ્લા 24 કલાક દરમિયાન, જમ્મુ-કાશ્મીર, પંજાબ, પશ્ચિમ રાજસ્થાન અને પશ્ચિમ મધ્ય પ્રદેશમાં વિવિધ સ્થળોએ તીવ્ર ગરમી સાથે ગરમ પવન ફૂંકાયા. હિમાચલ પ્રદેશ, હરિયાણા, ચંદીગઢ, દિલ્હી, ઉત્તર પ્રદેશ, પૂર્વ રાજસ્થાન અને પૂર્વ મધ્ય પ્રદેશના કેટલાક વિસ્તારોમાં ભીષણ ગરમીનો અનુભવ થયો. પશ્ચિમ ઉત્તર પ્રદેશ અને પશ્ચિમ રાજસ્થાનના વિવિધ વિસ્તારોમાં રાત્રે ભારે ગરમી પડી. પંજાબ, પૂર્વ ઉત્તર પ્રદેશ અને હરિયાણામાં ઘણી જગ્યાએ રાત્રે ભેજ સાથે તીવ્ર ગરમી પડી.

આ પણ વાંચો: VIDEO: BSF જવાનોને ખંડેર રેલવેના ડબ્બા અપાતાં રેલ મંત્રી લાલઘૂમ, ચાર ઓફિસર સસ્પેન્ડ

કેરળમાં ભારે વરસાદ

કેરળમાં ભારે ચોમાસાનો વરસાદ પડી રહ્યો છે અને IMD એ એર્નાકુલમ, ઇડુક્કી, ત્રિશૂર અને કાસરગોડ જિલ્લાઓ માટે ઓરેન્જ એલર્ટ જારી કર્યું છે. ગુરુવારે બે જિલ્લાઓ, શુક્રવારે ચાર જિલ્લાઓ, શનિવારે નવ જિલ્લાઓ અને રવિવારે 14 જિલ્લાઓમાં વરસાદ માટે ઓરેન્જ એલર્ટ જારી કરવામાં આવ્યું છે. ઓરેન્જ એલર્ટનો અર્થ એ છે કે ભારે વરસાદ પડશે અને તેનું પ્રમાણ 11 થી 20 સેમી વચ્ચે હોઈ શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ