ગુડ ન્યૂઝ / આનંદો! મોદી સરકાર PF ખાતા ધારકોને આપવા જઈ રહી છે મોટી ભેટ, 10-11 તારીખે થઈ શકે જાહેરાત

કરોડો પીએફ ખાતા ધારકોને એક સારા સમાચાર મળવા જઈ રહ્યાં છે. 10થી 11 ઓક્ટોબરે બેંગ્લુરુમાં ઈપીએફઓની એક મોટી બેઠક મળવાની છે તેમાં પેન્શન વધારા અંગેનો એક મોટો નિર્ણય લેવાઈ શકે છે. રિપોર્ટ અનુસાર, મિનિમમ પેન્શન જે હાલમાં 1000 છે, તે વધારીને 2500 રુપિયા થઈ શકે છે, બોર્ડ આ અંગેનો નિર્ણય લે તેવી પૂરી સંભાવના છે. પેન્શનની આ 1000 રુપિયા રકમ છેક 2014માં નક્કી કરાઈ હતી જે પછી તેમાં કોઈ ફેરફાર થયો નથી પરંતુ હવે થઈ શકે છે.

વધુ વાંચો : હોમ લોનના હપ્તા ભરનારનું ગયું ટેન્શન, આ સિક્રેટ ટ્રીકથી આખી હોમ લોન થશે વ્યાજ વગરની, મળશે વધુ પૈસા

એટીએમમાંથી ઉપાડી શકાશે પીએફના પૈસા

EPFO ​​ના 7 કરોડ ખાતાધારકો માટે સારા સમાચાર છે. હવે તમારે તમારા PF ના પૈસા ઉપાડવા માટે કોઈ ફોર્મ ભરવાની જરૂર રહેશે નહીં. EPFO ​​ટૂંક સમયમાં ATM માંથી PF ના પૈસા ઉપાડવાની સુવિધા શરૂ કરવા જઈ રહ્યું છે.

જાન્યુઆરી 2026 થી શરુ થશે સુવિધા

સૂત્રોના જણાવ્યા અનુસાર, જાન્યુઆરી 2026 થી, ATM માંથી PF ના પૈસા ઉપાડની સુવિધા શરુ થશે. આ સુવિધા શરૂ થવાથી કરોડો લોકોને ફાયદો થશે. અત્યાર સુધી, કોઈપણ કટોકટીની સ્થિતિમાં પણ, PF ના પૈસા ખાતામાં પહોંચવામાં ઓછામાં ઓછા 3-4 દિવસ લાગતા હતા, પરંતુ જાન્યુઆરીથી, પૈસા થોડીવારમાં તમારા હાથમાં આવી જશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ