દુઃખદ / ટિફિન ખોલતાં જમીન પર ઢળી પડી, 9 વર્ષની બાળકીનું હાર્ટએટેકથી મોત, પરિવાર હોસ્પિટલ લઈને દોડ્યો પણ...

Girl Dies Of Heart Attack: રાજસ્થાનના સીકર જિલ્લામાંથી એક એવી ઘટના સામે આવી છે જેણે બધાને હચમચાવી દીધા છે. સામાન્ય રીતે એવું માનવામાં આવે છે કે હાર્ટએટેક મોટી ઉંમરના લોકો આવે છે, પરંતુ રાજસ્થાનમાં હાર્ટએટેકના કારણે એક માસૂમ બાળકીનો જીવ ગયો. ચોથા ધોરણમાં ભણતી 9 વર્ષની બાળકીનું હૃદયરોગના હુમલાથી મૃત્યુ થયું. માહિતી અનુસાર, આ ઘટના સીકર જિલ્લાના દાંતા રામગઢ શહેરની આદર્શ વિદ્યા મંદિર સ્કૂલની છે. જ્યાં મંગળવારે સવારે જ્યારે બધા બાળકો પોતાના ટિફિન ખોલીને જમતા હતા, ત્યારે 9 વર્ષની બાળકી તેનું ટિફિન ખોલતી વખતે અચાનક જમીન પર પડી ગઈ. તેનું ટિફિન ત્યાં જ ઢોળાઈ ગયું અને કલાસરૂમમાં અફરાતફરી મચી ગઈ.

બાળકોની ચીસો સાંભળીને પહોંચ્યા શિક્ષકો

આ ઘટના સવારે 11 વાગ્યાની આસપાસ બની. ચોથા ધોરણની વિદ્યાર્થીની તેનું ટિફિન ખોલતી વખતે અચાનક બેભાન થઈને પડી ગઈ. ક્લાસમાં હાજર બાળકોએ તરત જ શિક્ષકને જાણ કરી. શિક્ષકોએ કોઈ પણ વિલંબ કર્યા વિના બાળકીને તાત્કાલિક દાંતા રામગઢ સીએચસી લઈ ગયા. અહીં ડોક્ટરોએ બાળકીને પ્રાથમિક સારવાર આપી, ત્યારબાદ તે થોડા સમય માટે સામાન્ય થઈ ગઈ. પરંતુ ડોક્ટરોએ કોઈ જોખમ ન લીધું અને તેને સીકર રેફર કરી દીધી. પરંતુ કમનસીબે સીકર પહોંચતા પહેલા જ બાળકીનું રસ્તામાં મૃત્યુ થઈ ગયું. ડોક્ટરોના જણાવ્યા અનુસાર, બાળકીને કાર્ડિયાક અરેસ્ટ થયો હતો.

મીડિયા રિપોર્ટ્સ અનુસાર, સીએચસીના ડૉક્ટરે જણાવ્યું કે, "જ્યારે બાળકીને હોસ્પિટલમાં લાવવામાં આવી ત્યારે તે બેભાન હતી. તપાસ દરમિયાન જાણવા મળ્યું કે તેને કાર્ડિયાક અરેસ્ટ થયો હતો. તાત્કાલિક સારવાર શરૂ કરવામાં આવી અને તેને વધુ સારી સુવિધાઓ માટે રેફર કરવામાં આવી, પરંતુ રસ્તામાં જ તેનું મૃત્યુ થઈ ગયું." પરિવારના જણાવ્યા મુજબ, બાળકીને થોડા દિવસોથી શરદી અને ખાંસી હતી પરંતુ કોઈને ખ્યાલ નહોતો કે એક નાની સમસ્યા તેનો જીવ લઈ લેશે. બાળકીના આ અચાનક દુઃખદ મૃત્યુથી પરિવાર, શાળા સ્ટાફ અને ગામના લોકો આઘાતમાં છે.

પહેલા પણ બની આવી ઘટનાઓ

નોંધનીય છે કે આ વર્ષે એપ્રિલ 2025 ના છેલ્લા અઠવાડિયામાં, જયપુરમાં MBBS કરતો અલવરનો 20 વર્ષીય વિદ્યાર્થી પણ હાર્ટ એટેકથી મૃત્યુ પામ્યો હતો. ગેસની સમસ્યાને કારણે તે હોસ્ટેલમાં આરામ કરી રહ્યો હતો, ત્યારે તેને છાતીમાં ભારે દુખાવો ઉપડ્યો. મિત્રોએ તેને CPR આપીને બચાવવાનો પ્રયાસ કર્યો પરંતુ તેનો જીવ પણ બચી શક્યો નહીં.

આ પણ વાંચો: બીમાર છોકરા માટે બાળકની ચઢાવી દીધી બલિ, ગળું કાપીને લાશ સળગાવીને દફનાવી દીધી

શા માટે બાળકો અને યુવાનોને આવી રહ્યા છે હાર્ટ એટેક?

આવા કિસ્સાઓ સતત સામે આવી રહ્યા છે જેનાથી લોકોના મનમાં પ્રશ્નો ઉભા થયા છે - શું બદલાતી જીવનશૈલી, ખાવાની આદતો અથવા પર્યાવરણીય કારણોસર બાળકો અને યુવાનોના સ્વાસ્થ્ય પર અસર થઈ રહી છે? અહીં એ નોંધવું જોઈએ કે કોવિડ-19 રોગચાળા અને તેના માટે આપવામાં આવેલી રસીઓ પછી, નાની ઉંમરે હૃદયરોગના હુમલાના કેસોમાં ઝડપથી વધારો થયો છે. અહીં, માસૂમ બાળકીના મૃત્યુએ ફરી એકવાર આપણને વિચારવા મજબૂર કર્યા છે કે હવે હૃદયરોગનો હુમલો ફક્ત ઉંમરનો ખેલ નથી રહ્યો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ