તમારા કામનું / આજથી રેલવે બુકિંગના નિયમોમાં ફેરફાર, યુઝર્સને થશે સીધો ફાયદો, જુઓ કઇ રીતે

Rule Change : આજથી એટલે કે 1 ડિસેમ્બરથી દેશભરમાં અનેક મહત્વપૂર્ણ નિયમોમાં ફેરફાર થયા છે, જે મુસાફરો, બેંક ગ્રાહકો અને વ્યવસાયિકો માટે જાણવું અત્યંત જરૂરી છે. રેલવેની તત્કાલ ટિકિટ બુકિંગ પદ્ધતિથી લઈને SBI ના ATM ચાર્જિસ, mCash સેવા બંધ થવી, GST રિટર્નની કડકતા અને મોબાઇલ કોલર નેઈમ ડિસ્પ્લે જેવી સુવિધાઓ-આ બધું આજથી બદલાઈ ગયેલું છે. ચાલો દરેક બદલાવને સરળ ભાષામાં સમજીએ.

તત્કાલ ટિકિટ બુકિંગમાં OTP ફરજિયાત-સુરક્ષા વધશે

ભારતીય રેલ્વેએ તત્કાલ બુકિંગ પ્રક્રિયામાં મોટો ફેરફાર કર્યો છે. હવે તત્કાલ ટિકિટ બુક કરતી વખતે તમારે તમારા રજિસ્ટર્ડ મોબાઇલ નંબર પર મોકલાયેલા OTP દ્વારા બુકિંગ કન્ફર્મ કરવું પડશે.

• શરૂઆત મુંબઈ સેન્ટ્રલ-અમદાવાદ શતાબ્દી એક્સપ્રેસમાંથી થશે.
• આવનારા મહિનાઓમાં આ નિયમ દેશના તમામ ઝોનમાં લાગુ થશે.

ફાયદો શું થશે ?

• નકલી મોબાઇલ નંબરનો ઉપયોગ અટકશે
• એજન્ટો દ્વારા થતી છેતરપિંડી ઘટશે
• અસલી મુસાફરોને ટિકિટ મેળવવાની સંભાવના વધશે

ક્યાં લાગુ પડશે?

• આ સિસ્ટમ IRCTC વેબસાઇટ, મોબાઇલ એપ, રેલવે કાઉન્ટર અને અધિકૃત એજન્ટ-બધે લાગુ પડશે.

SBI ATM ટ્રાન્ઝેક્શનમાં નવું નિયમન-મફત વ્યવહાર હવે મર્યાદિત

SBI એ ATM અને ADWM ટ્રાન્ઝેક્શન ચાર્જિસમાં ફેરફારો કર્યા છે.

• પગાર ખાતા ધારકો : 10 મફત વ્યવહારો - ત્યારબાદ પ્રતિ ટ્રાન્ઝેક્શન ₹23
• બચત ખાતા ધરકો : 5 મફત વ્યવહારો
• નૉન-ફાઇનાન્સિયલ ટ્રાન્ઝેક્શન : ફી ₹10 પરથી વધારી ₹11

બેંક મુજબ આ ફેરફારો સેવાની ગુણવત્તા અને ડિજિટલ પેમેન્ટનો ઉપયોગ વધારવા માટે છે.

SBI mCash સેવા બંધ

SBI એ YONO Lite અને Online SBIમાં ઉપલબ્ધ mCash સેવા બંધ કરી દીધી છે. આધિકૃત રીતે હવે mCash દ્વારા પૈસા મોકલવા કે પ્રાપ્ત કરવાની સુવિધા નહીં મળે.

વિકલ્પો:

• UPI
• IMPS
• NEFT
• RTGS

બેંકનું કહેવું છે કે સુરક્ષા સુધારવા માટે આ પગલું આવશ્યક હતું.

GST રિટર્નમાં કડકાઈ

GSTN એ નિર્ણય કર્યો છે કે જેમણે છેલ્લા ત્રણ વર્ષથી રિટર્ન ફાઇલ નથી કર્યા, તેઓ હવે નવા રિટર્ન ફાઇલ કરી શકશે નહીં, જ્યાં સુધી તેમના જૂના રિટર્ન પૂર્ણ ન થાય. આ નિર્ણય કરપ્રણાલીમાં શિસ્ત લાવવા માટે છે નિયમિત પાલન કરનારા વ્યવસાયોને લાભ થશે.

આ પણ વાંચો : સતત બીજા મહિને 19 કિલો ગેસનો બાટલો સસ્તો થયો, જાણો આજે કેટલો થયો ભાવ ?

હવે મોબાઇલ પર કોલ કરનારનું સાચું નામ દેખાશે-CNAP સિસ્ટમ શરૂ

15 ડિસેમ્બરથી ટેલિકોમ વિભાગ નવી CNAP (Caller Name Presentation) સુવિધા શરૂ કરી રહ્યું છે. કોલ આવે ત્યારે કોલરનું KYC મુજબનું સાચું નામ દેખાશે. સ્પામ, ફ્રોડ અને છેતરપિંડીયુક્ત કોલ્સમાં ઘટાડો થશે. Truecaller જેવી એપ્સ પર આધાર ઘટશે. ગ્રાહક સુરક્ષાને મજબૂત બનાવવા માટે આ મહત્વપૂર્ણ પગલું ગણાય છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ