હૈદરાબાદમાં હડકંપ / મહિલાને બાંધીને માથામાં માર્યું કૂકર, પછી ગળું કાપ્યું, નિરાંતે શાવર લઈને પછી ભાગ્યાં ચોર

હૈદરાબાદમાં એક મહિલાને બાંધીને પ્રેશર કુકરથી માર મારવામાં આવ્યો પછી તેનું ગળું છરી અને કાતરથી કાપી નાખવામાં આવ્યું હતું. બે ચોર તેના ઘરમાં દાખલ થયાં હતા અને 50 વર્ષીય રેણુ અગ્રવાલને બાંધીને પ્રેશર કૂકરથી માર માર્યો હતો ત્યાર બાદ તેનું ગળું કાપ્યું હતું.

ઘાતકી હત્યા બાદ ઘરમાં શાવર લીધું

રેણુની ઘાતકી હત્યા કર્યા બાદ ચોરે ઘરમાં શાવર પણ લીધું હતું. ગુનાના સ્થળેથી ભાગી જતા પહેલા લોહીથી ખરડાયેલા કપડાં પાછળ છોડી દીધા. 50 વર્ષીય રેણુ અગ્રવાલ, આઈટી હબ સાયબરાબાદમાં આવેલા સ્વાન લેક એપાર્ટમેન્ટના 13મા માળે તેના પતિ અને પુત્ર સાથે રહેતી હતી. દરવાજો બંધ હોવાથી, તેઓએ પ્લમ્બરની મદદથી બાલ્કનીમાંથી દરવાજો ખોલ્યો અને અગ્રવાલ મૃત હાલતમાં મળી આવી હતી.

પોલીસે શું કહ્યું

પોલીસે જણાવ્યું હતું કે હુમલાખોરોએ રેણુના હાથ-પગ બાંધી દીધા હતા અને પ્રેશર કુકરથી માર માર્યો હતો. છરી અને કાતરથી તેમનું ગળું કાપી નાખવામાં આવ્યું હતું, જેમાં તેમનું મોત થયું હતું. ચોરેએ ઘરમાં લૂંટ ચલાવી હતી અને લગભગ 40 ગ્રામ સોનું અને 1 લાખ રૂપિયા રોકડા લઈ ગયા હતા. ત્યારબાદ તેઓ ઘરમાં સ્નાન કરીને અલગ અલગ કપડાં પહેરીને ગુનાના સ્થળે પોતાના લોહીથી ખરડાયેલા કપડાં છોડીને ભાગી ગયા હતા. અગ્રવાલના મૃતદેહને કબજે કરવામાં આવ્યો હતો અને પોસ્ટમોર્ટમ માટે હોસ્પિટલમાં મોકલવામાં આવ્યો હતો.

વધુ વાંચો : બેન્કના બાથરુમમાં બિઝનેસમેને પોતાની જાતને મારી ગોળી, મચી સનસનાટી, કંપી જવાય તેવો કાંડ

કોણ છે આરોપીઓ

પ્રાથમિક તપાસમાં બે પુરુષો, બંને ઘરેલુ કામદારો - એક અગ્રવાલના ઘરે કામ કરતો હતો અને બીજો પડોશીના ઘરમાં - મુખ્ય શંકાસ્પદ હોવાનું જાણવા મળ્યું છે. સીસીટીવી ફૂટેજમાં, બંને 13મા માળે જતા અને સાંજે 5:02 વાગ્યે જતા જોવા મળ્યા હતા. પોલીસને શંકા છે કે આ બે પુરુષોએ હત્યાને અંજામ આપ્યો છે અને તેઓ રાંચી જઈ રહ્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ