તમારા કામનું / જલ્દી કરો, રેલવેમાં ભરતી પડી છે, ધો. 10 પાસ ઉમેદવારો પણ સેટ થઇ જશે

Railway Job : રેલવમાં કામ કરવા માંગતા ઉમેદવારો માટે એક મોટા સમાચાર સામે આવ્યા છે. ઉત્તર મધ્ય રેલ્વે (North Central Railway) એ એપ્રેન્ટિસ પદ માટે મોટી ભરતીની જાહેરાત કરી છે. કુલ 1,763 ખાલી જગ્યાઓ માટે આ ભરતી પ્રક્રિયા હાથ ધરવામાં આવી રહી છે. જો તમે 10મું ધોરણ અને ITI પાસ છો અને રેલવેમાં કારકિર્દી બનાવવા ઇચ્છો છો, તો આ એક શ્રેષ્ઠ તકોમાંની એક છે.

મહત્વપૂર્ણ તારીખો

• અરજી કરવાની શરૂઆત: 18 સપ્ટેમ્બર, 2025
• છેલ્લી તારીખ: 17 ઓક્ટોબર, 2025
• સત્તાવાર વેબસાઇટ: rrcpryj.org

આ ભરતી પ્રયાગરાજ, ઝાંસી અને આગ્રા વિભાગો, ઝાંસી વર્કશોપ તેમજ ઉત્તર મધ્ય રેલ્વે ઝોન, પ્રયાગરાજ મુખ્યાલય માટે કરવામાં આવી રહી છે.

શૈક્ષણિક લાયકાત:

• ઉમેદવારોએ માન્ય બોર્ડમાંથી ન્યૂનતમ 50% ગુણ સાથે 10મું ધોરણ (SSC/મેટ્રિક્યુલેશન) પાસ કરેલું હોવું જોઈએ. તેમજ ઉમેદવાર પાસે NCVT અથવા SCVT માન્યતા ધરાવતું ITI પ્રમાણપત્ર હોવું આવશ્યક છે.

ઉંમર મર્યાદા:

• ન્યૂનતમ ઉંમર: 15 વર્ષ
• મહત્તમ ઉંમર: 24 વર્ષ
• ઉંમર ગણતરી 16 સપ્ટેમ્બર, 2025 મુજબ કરવામાં આવશે. છૂટછાટ સરકારના નિયમો મુજબ લાગૂ પડશે.

પસંદગી પ્રક્રિયા:

• કોઈ લેખિત પરીક્ષા કે ઈન્ટરવ્યુ નહીં લેવાય.
• મેટ્રિક અને ITIમાં મેળવેલા ગુણોની સરેરાશના આધારે મેરિટ યાદી તૈયાર કરવામાં આવશે.
• દરેક વિભાગ, ટ્રેડ અને કેટેગરી માટે અલગ મેરિટ લિસ્ટ તૈયાર થશે.

અરજી ફી:

• સામાન્ય ઉમેદવારો માટે: ₹100
• SC/ST/Divyang/મહિલા/ટ્રાન્સજેન્ડર માટે: ફીમાંથી મુક્તિ

ફી ઓનલાઇન પદ્ધતિથી (ડેબિટ/ક્રેડિટ કાર્ડ અથવા ઈન્ટરનેટ બેંકિંગ) ભરવાની રહેશે. ટ્રાન્ઝેક્શન ચાર્જ ઉમેદવારના જવાબદારીમાં આવશે.

આ પણ વાંચો : બેંક ઓફ બરોડામાં ભરતી પડી છે, જલ્દી કરજો, જાણો એપ્લાયની અંતિમ તારીખ

કેવી રીતે અરજી કરવી:

• સત્તાવાર વેબસાઇટ rrcpryj.org પર જાઓ
• “Apprentice Recruitment 2025” લિંક પર ક્લિક કરો
• ઓનલાઈન ફોર્મ ભરો અને જરૂરી દસ્તાવેજ અપલોડ કરો
• ફી ભરો અને ફોર્મ સબમિટ કરો
• રસીદ અને અરજી ફોર્મની પ્રિન્ટ કાઢી સાચવીને રાખો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ