કાર્યવાહી / 2 જ મહિનામાં 800થી વધુ પક્ષોની નોંધણી રદ, 359 હજુ રડારમાં, ચૂંટણી પંચ કેમ એક્શનમાં

EC Political party : ચૂંટણી પંચે 18 સપ્ટેમ્બરના રોજ છ વર્ષ સુધી ચૂંટણીમાં ભાગ ન લેવા બદલ 474 માન્યતા પ્રાપ્ત ન હોય તેવા રાજકીય પક્ષોને યાદીમાંથી દૂર કર્યા છે. જેનાથી બે મહિનામાં દૂર કરાયેલા પક્ષોની કુલ સંખ્યા 808 પર પહોંચી ચુકી છે.

ચૂંટણી પંચની કડક કાર્યવાહી

ચૂંટણી પંચ (ECI) એ નિયમોનું ઉલ્લંઘન કરવા બદલ 474 વધુ નોંધાયેલા માન્યતા પ્રાપ્ત ન હોય તેવા રાજકીય પક્ષોને યાદીમાંથી દૂર કર્યા. ECI એ 18 સપ્ટેમ્બરના રોજ આ પક્ષો પર કડક કાર્યવાહી કરી છે. આ પક્ષોએ છ વર્ષથી ચૂંટણીમાં ક્યાંય પણ ભાગ લીધો ન હતો. ન તો પોતાના ઉમેદવારો ઉતાર્યા હતા કે ન તો કોઇ પ્રકારની ચૂંટણીમાં ભાગ લીધો હતો. જેના કારણે પંચને આ કાર્યવાહી કરવાની ફરજ પડી છે. પંચે છેલ્લા બે મહિનામાં આવા 808 પક્ષોને તેની યાદીમાંથી દૂર કર્યા છે.

આ પણ વાંચોઃ દેવાયત ખવડને મોટી રાહત, કોર્ટે જામીન મંજુર કર્યા, જો કે આ શરતો પાળવી પડશે

અનેક વર્ષોથી નિષ્ક્રિય હતા પક્ષ

આ પ્રક્રિયાના પ્રથમ તબક્કામાં, ચૂંટણી પંચે 9 ઓગસ્ટના રોજ 334 નોંધાયેલા માન્યતા પ્રાપ્ત ન હોય તેવા રાજકીય પક્ષો (RUPPs) ને યાદીમાંથી દૂર કર્યા. નિવેદનમાં કહેવામાં આવ્યું છે કે, "બીજા તબક્કામાં, ચૂંટણી પંચે 18 સપ્ટેમ્બરના રોજ 474 RUPP ને યાદીમાંથી દૂર કર્યા. આ યાદી ચૂંટણી પંચ દ્વારા સતત છ વર્ષ સુધી યોજાયેલી ચૂંટણીઓમાં ભાગ ન લેવાના આધારે તૈયાર કરવામાં આવી હતી. આમ, છેલ્લા બે મહિનામાં 808 RUPP ને યાદીમાંથી દૂર કરવામાં આવ્યા છે." તાજેતર સુધી, 2,520 RUPP હતા. ડિલિસ્ટિંગ પ્રક્રિયા પછી, 2,046 RUPP બાકી છે. વધુમાં, છ માન્ય રાષ્ટ્રીય પક્ષો અને 67 રાજ્ય-સ્તરીય પક્ષો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ