કાર્યવાહી / નશેડીઓથી ઊભરાઇ સુરત સિવિલ, 31stની રાતે 600થી વધુ લોકો ઝડપાયા પીધેલી હાલતમાં

સુરત પોલીસ દ્વારા નવા વર્ષની પૂર્વ સંધ્યાએ શહેરમાં કડક ચેકિંગ અને પેટ્રોલિંગ હાથ ધરવામાં આવ્યું હતું. છતાં પણ કેટલાક લોકોએ પોલીસની સૂચનાઓની અવગણના કરી દારૂનો નશો કર્યો હતો. પોલીસ દ્વારા શહેરના વિવિધ વિસ્તારોમાંથી દારૂ પીધેલી હાલતમાં વાહન ચલાવતા અને જાહેર સ્થળોએ નશો કરતા લોકોને ઝડપી લેવામાં આવ્યા હતા.

ઝડપાયેલા તમામ નશેડીઓને ફરજિયાત મેડિકલ ચેકઅપ માટે સિવિલ હોસ્પિટલમાં લઈ જવાયા હતા. એક સાથે મોટી સંખ્યામાં દારૂડિયાઓ આવતા હોસ્પિટલમાં પણ અફરાતફરીનો માહોલ સર્જાયો હતો. તબીબોની ટીમે તમામનો મેડિકલ ટેસ્ટ કર્યો હતો.

વધુ વાંચો: વર્ષના પહેલા દિવસે જ ભયંકર બ્લાસ્ટથી હચમચ્યું હિમાચલનું સોલન, ચોતરફ કાચના ટુકડેટુકડાં વેરવિખેર

પોલીસ અધિકારીઓએ સ્પષ્ટ જણાવ્યું છે કે નવા વર્ષમાં ટ્રાફિક નિયમો અને કાયદાની અવગણના કરનારાઓ સામે ઝીરો ટોલરન્સની નીતિ અપનાવવામાં આવશે. દારૂ પી ને વાહન ચલાવવું કે જાહેર સલામતી સાથે ખેલવું સહન કરવામાં નહીં આવે. સુરત પોલીસની આ કાર્યવાહીથી અન્ય લોકો માટે પણ કડક સંદેશો ગયો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ