ટ્રમ્પના ગુણગાન / શાહબાઝ શરીફ બન્યા ચાપલૂસીના ચેમ્પિયન, ડોનાલ્ડ ટ્રમ્પના કર્યા ભરપેટ વખાણ, જુઓ વીડિયો

ગાઝા શાંતિ કરાર પર કેન્દ્રિત અમેરિકન રાષ્ટ્રપતિ ડોનાલ્ડ ટ્રમ્પ દ્વારા આયોજિત "શાંતિ સમિટ" ટ્રમ્પની "પીઆર સમિટ" જેવી વધારે જણાઇ. આ આંતરરાષ્ટ્રીય પ્લેટફોર્મ વિશ્વભરના નેતાઓ માટે રાષ્ટ્રપતિ ટ્રમ્પના ગુણગાન ગાવાનું પ્લેટફોર્મ બન્યું. પાકિસ્તાનના વડા પ્રધાન શાહબાઝ શરીફે રાષ્ટ્રપતિ ટ્રમ્પની પ્રશંસામાં કોઇ કસર ન છોડી. શાહબાજ શરીફે ન માત્ર ટ્રમ્પને શાંતિના પ્રતિક, શાંતિના દૂત અને દુરદર્શી ગણાવ્યા, પરંતુ સાથે-સાથે નોબેલ શાંતિ પુરસ્કાર માટે તેમને ફરીથી નામાંકિત કરવાની પણ જાહેરાત કરી.

શાહબાઝ શરીફની ખુશામતથી રાજદ્વારી સંતુલન ખોરવાઈ ગયું હતું. . તેમના મોઢે ટ્રમ્પના વધુ પડતા વખાણ સાંભળીને સ્ટેજ પરના ઘણા લોકોની પ્રતિક્રિયાઓ નોંધપાત્ર હતી, જાણે કે તેઓ વિશ્વાસ કરી શકતા ન હતા કે કોઈ રાષ્ટ્રપતિ ટ્રમ્પની આટલી પ્રશંસા કરી શકે. ઇટાલીના વડા પ્રધાન જ્યોર્જિયા મેલોનીની પ્રતિક્રિયા પણ આવી જ હતી.

રસપ્રદ વાત એ છે કે, જ્યારે શાહબાઝ શરીફ સ્ટેજ પરથી ટ્રમ્પની ગાઝા શાંતિ યોજનાની પ્રશંસા કરી રહ્યા હતા, ત્યારે લાહોર અને પાકિસ્તાનના મુરીદકેમાં કટ્ટરપંથી સંગઠન તહરીક-એ-લબ્બૈકના કાર્યકરો તે જ શાંતિ યોજના સામે હિંસાનો આશરો લઈ રહ્યા હતા, અને તેને પેલેસ્ટિનિયન મુસ્લિમોની સ્વતંત્રતા છીનવી લેવાની યોજના ગણાવી રહ્યા હતા. પાકિસ્તાનમાં આ વિરોધ પ્રદર્શનોમાં 500 લોકોના મોત થયાના અહેવાલો છે, પરંતુ વડા પ્રધાન શરીફે આંતરરાષ્ટ્રીય મંચ પર આ વાતને અવગણી હતી.

આ પણ વાંચોઃ ડોનાલ્ડ ટ્રમ્પના ટેરિફની હવા નીકળી! ભારતે પકડશે આર્થિક વિકાસની રફતાર

પોતાના ભાષણ દરમિયાન ટ્રમ્પે સ્ટેજ પર હાજર એકમાત્ર નેતા શાહબાઝ શરીફને તેમની પ્રશંસા કરવા માટે આમંત્રણ આપ્યું. જોકે, શાહબાઝ શરીફની ખુશામત છતાં, ટ્રમ્પે ભારતની પ્રશંસા કરી અને ભારતને એક મહાન દેશ અને વડા પ્રધાન મોદીને તેમના શ્રેષ્ઠ મિત્ર ગણાવ્યા. જ્યારે ટ્રમ્પે શાહબાઝ શરીફને ભારત-પાકિસ્તાનના સારા સંબંધો વિશે પૂછ્યું, ત્યારે પાકિસ્તાની વડા પ્રધાન અસ્વસ્થ થઈ ગયા.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ