હીરાની ખાણ તરીકે જાણીતા મધ્ય પ્રદેશના પન્ના જિલ્લામાં 35 વર્ષીય એક વ્યક્તિને ખાણમાંથી ખોદકામ કરતા મંગળવારે 10.59 કેરેટનો ઉચ્ચ ક્વોલિટીનો કિંમતી હીરો મળ્યો છે. જાણકારોના જણાવ્યાનુંસાર આ હરાજીમાં તે કિંમત 50 લાખથી 1 કરોડ રુપિયામાં વેચાઈ શકે છે. હીરા કાર્યાલયમાં પન્નના હીરા અધિકારી આર. કે. પાંડેયે જણાવ્યું કે આનંદી લાલ કુશવાહને આજે ઉજ્જવલ ક્વોલિટીનો એક બહું જ કિંમતી હીરો મળ્યો છે. જેનું વજન 10.59 કરેટ છે.
હીરાની કિંમત 50 લાખથી 1 કરોડ રુપિયા હોઈ શકે છે
ખાણમાં ખોદકામ દરમિયાન 10.59 કેરેટનો ઉચ્ચ ક્વોલિટીનો હીરો મળ્યો
15 કિમી દૂર રાનીપુરની ઉથલી હીરા ખાણમાં ખોદકામ દરમિયાન મળ્યો હતો
તેમણે કહ્યું કે આ હીરો પન્ના જિલ્લાના મુખ્યાલયથી લગભગ 15 કિમી દૂર રાનીપુરની ઉથલી હીરા ખાણમાં ખોદકામ દરમિયાન મળ્યો હતો. તેમણે કહ્યું કે કુશવાહે આ હીરાને આ હીરા કાર્યલયમાં જમા કરાવ્યો હતો અને તેને વેચવા માટે હરાજી કરવામાં આવશે. આ હીરાની હરાજીમાંથી જે કંઈ પૈસા આવશે તે ટેક્સ કાપીને આ વ્યક્તિને આપવામાં આવશે.
આ દરમિયાન આનંદી લાલ કુશવાહે જણાવ્યુ કે આ પહેલા આ ખાણમાં ખોદકામ દરમિયાન તેને 70 સેન્ટનો હિરો મળી ચૂક્યો છે અને હવે તેને 10.69 કેરેટનો બહું જ કિંમતી હીરો મળ્યો છે. હીરાના જાણકારોનું માનવુ છે કે આ હીરાની કિંમત 50 લાખથી 1 કરોડ રુપિયા હોઈ શકે છે.