કાર્યવાહી / અમદાવાદમાં T20 ફાઈનલ મેચની ટિકિટની કાળાબજાર કરતો શખ્શ ઝડપાયો

અમદાવાદમાં આવનારી ક્રિકેટ ફાઈનલ મેચને લઈને ટિકિટોની ભારે માંગ વચ્ચે કાળાબજારીના બનાવો સામે આવી રહ્યા છે. સાબરમતી પોલીસે ટિકિટની કાળાબજારી કરતા વધુ એક શખ્સને ઝડપી પાડ્યો છે.

પોલીસને મળેલી માહિતીના આધારે અચેર ચાર રસ્તા નજીક નજર રાખવામાં આવી હતી. દરમિયાન એક શખ્સ શંકાસ્પદ હાલતમાં ટિકિટ વેચતો હોવાનું જણાતા પોલીસે તેને ઝડપી પાડ્યો હતો.

પ્રાથમિક તપાસમાં સામે આવ્યું છે કે આરોપી 2 હજાર રૂપિયાની મૂળ કિંમત ધરાવતી ટિકિટોને 10 થી 12 હજાર રૂપિયામાં વેચી કાળાબજારી કરતો હતો. પોલીસે આરોપી પાસેથી 2 હજાર રૂપિયાની કિંમતની કુલ 8 ટિકિટ જપ્ત કરી છે. આ ઉપરાંત પોલીસે આરોપી પાસેથી એક મોપેડ, મોબાઈલ ફોન સહિત કુલ અંદાજે 50 હજાર રૂપિયાનું મુદ્દામાલ કબજે કર્યું છે.

આ પણ વાંચોઃ અમદાવાદ સહિતની મનપામાં વહીવટદારોની નિમણૂંક, ચૂંટાયેલા પ્રતિનિધિઓની ટર્મ પૂરી

સાબરમતી પોલીસે આરોપીની ધરપકડ કરી વધુ પૂછપરછ શરૂ કરી છે અને આ કાળાબજારી પાછળ અન્ય કોઈ લોકો સંડોવાયેલા છે કે નહીં તેની પણ તપાસ હાથ ધરાઈ છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ