નિવેદન / લોકસભા ચૂંટણીમાં અર્બુદા સેના ભાજપને કરશે સપોર્ટ, વિપુલ ચૌધરીએ કહ્યું PM મોદીના હાથ મક્કમ કરીશું

Dinesh

Last Updated: 07:54 PM, 2 March 2024

FOLLOW ON

શેર કરો

Vipul Chaudhary statement: વિપુલ ચૌધરીએ કહ્યું હતું કે, સમાજનું એક સારૂ સંગઠન ઉભું કરી શક્યા છીએ. રાજ્ય સરકારે ટ્રસ્ટ તરીકે સ્વિકાર કર્યો છે.

લોકસભાની ચૂંટણી નજીક આવતા વિપુલ ચૌધરી ફરી એકવાર સક્રિય થયા છે. ગાંધીનગરમાં વિપુલ ચૌધરીની અધ્યક્ષતામાં અર્બુદા સેવા સમિતિની બેઠક મળી હતી. જે બેઠકમાં વિપુલ ચૌધરી સમાજિક સંગઠનને મજબૂત કરવાની વાત કરી હતી. સાથો સાથ તેમણે પ્રધાનમંત્રી નરેન્દ્ર મોદી વખાણ પણ કર્યા હતા.

'સરકારે સમાજને જમીન આપવાનું આશ્વાસન આપ્યું'
વિપુલ ચૌધરીએ કહ્યું હતું કે, સમાજનું એક સારૂ સંગઠન ઉભું કરી શક્યા છીએ. રાજ્ય સરકારે ટ્રસ્ટ તરીકે સ્વિકાર કર્યો છે. તેમણે ઉમેર્યું કે, સરકારે સમાજને જમીન આપવાનું આશ્વાસન આપ્યું છે. તે આશ્વાસન 2024માં પૂરો થશે તેવો મને વિશ્વાસ છે. આંજણા ચૌધરી સમાજ અને અન્ય સમાજમાં ફરક છે. અન્ય સમાજમાં શિક્ષણ માટેના મંચ પર કરોડપતી ન હોય તો બેસાડતા પણ નથી.

વાંચવા જેવું: ગુજરાતમાં ભાજપના 15 ઉમેદવારોમાંથી 10 રિપીટ, 5 નવા નામો, આ જૂનાજોગીઓના પત્તા કટ

PM મોદીના હાથ મક્કમ કરાશે: વિપુલ ચૌધરી
તેમણે સમાજહિતમાં જાહેર કરતા કહ્યું હતું કે, અર્બૂદા સેવા સમિતિમાં સભ્ય નોંધણી શરૂ કરાશે. બહેનો આજીવન સભાસદ થાય તો 50 ટકા રકમથી સભ્ય બનાવીશું. આંજણા ચૌધરી સમાજ વર્ષોથી દિશા સુચન પ્રમાણે ચાલ્યો છે. આ તકે વિપુલ ચૌધરીએ કહ્યું હતું કે, દેશના પ્રધાનમંત્રીએ ખેસ પહેરાવીને સ્વાગત કર્યું છે. રામ રાજ્યની સ્થાપના થતી હોય ત્યારે PM મોદીના હાથ મક્કમ કરાશે.

VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો

સંકળાયેલા મુદ્દાઓ

Arbuda Service Committee Election 2024 Vipul Chaudhary statement loksabha Election 2024 mahesana news અર્બુદા સેવા સમિતિ Lok Sabha Elections 2024