Awe Dropping / આજે Appleની મેગા ઇવેન્ટ: જેમાં માત્ર iPhone નહીં, નવા Airpods સહિત વિવિધ પ્રોડક્ટ્સ થશે લોન્ચ

Apple iPhone 17 Pro Max Launch: આજે જેની સ્માર્ટફોન લવર્સ કાયર્ન રાહ જોઈ રહ્યા છે તે ઇવેન્ટ થવા જઈ રહી છે. જી આજે 9 સપ્ટેમ્બરના રોજ Apple તેની વાર્ષિક ઈવેન્ટમાં iPhone 17 સિરીઝ લોન્ચ કરશે. આટલું જ નહિ આ સાથે Apple Watch 11 અને Airpods Pro 3 પણ લોન્ચ થઈ શકે છે. આજની આ ઇવેન્ટને Apple તરફથી 'Awe Dropping' નામ આપવામાં આવ્યું છે. આ ઇવેન્ટ ભારતીય સમય મુજબ રાત્રે 10:30 વાગ્યે કેલિફોર્નિયાના ક્યુપરટિનોમાં એપલ પાર્ક ખાતે શરૂ થશે. ત્યારે ચાલો જાણીએ આ નવી સિરીઝના ફીચર્સ વિશે.

આજે annual ઈવેન્ટમાં આઈફોનની સાથે એપલ એરપોડ્સ પ્રો 3 પણ લોન્ચ થઈ શકે છે અને એવું કહેવામાં આવી રહ્યું છે કે આ પહેલા એવા ઇયરબડ્સ હશે કે માત્ર એ હિયરિંગ ડિવાઇસ જ નહીં હોય પણ તે હાર્ટ બીટ પણ કાઉન્ટ કરશે. વેલ આ ઉપરાંત એપલ વોચ સિરીઝ 11 લોન્ચ થઈ શકે છે. iOS 26 પણ લોન્ચ થઈ શકે છે જેમાં લિક્વિડ ગ્લાસ ઇન્ટરફેસ હશે. આજની આ 'Awe Dropping' ઇવેન્ટ પછી આઈફોન માર્કેટમાં મળતા થશે ત્યારે એક મીડિયા રિપોર્ટ અનુસાર ભારતમાં સ્ટાન્ડર્ડ iPhone 17 ની શરૂઆતની કિંમત 79,900 રૂપિયા હોઈ શકે છે જે તેના ટોપ મોડેલ Pro Max માટે 1,64,900 રૂપિયા સુધી જઈ શકે છે.

શું નવું હશે iOS 26 માં?

• ડિઝાઇન: પહેલી વાર iPhone 17 Pro માં એલ્યુમિનિયમ ફ્રેમ હશે. 15 Pro અને 16 Pro માં ટાઇટેનિયમ હતું અને જૂના મોડેલમાં સ્ટેનલેસ સ્ટીલ હતું. રેક્ટએન્ગલ કેમેરા મોડ્યુલ સાથે એલ્યુમિનિયમ અને ગ્લાસ ફિનિશ બેક હશે.
• ડિસ્પ્લે: પહેલી વાર મેટ ફિનિશ સાથે LTPO OLED ડિસ્પ્લે ઉપલબ્ધ થશે. તેમાં નેનો-ટેક્ષ્ચર કોટિંગ હશે. જે સનલાઇટમાં બ્રાઇટનેસ ઘટાડશે અને સ્ક્રેચ પ્રતિકરાત્મકતા વધારશે. ડાયનેમિક આઇલેન્ડ પહેલા કરતા નાનું હશે.
• કેમેરા: બધા 17 મોડેલોમાં 24MP સેલ્ફી કેમેરા હશે. પ્રો મોડેલોમાં 48MP ટેલિફોટો લેન્સ હશે. જે 3.5x થી 8x ઓપ્ટિકલ ઝૂમ આપશે. બધા 3 રીઅર કેમેરા 48MP હશે. પહેલી વાર પ્રો મોડેલમાં 8K વિડીયો રેકોર્ડિંગ સપોર્ટ ઉપલબ્ધ થશે. આ ઉપરાંત તમે ફ્રન્ટ અને બેક બંને કેમેરાથી એક સાથે વિડીયો રેકોર્ડ કરી શકશો.
• પરફોર્મન્સ: A19 પ્રો ચિપ ગેમિંગ, મલ્ટીટાસ્કીંગ અને AI ટાસ્કને વધુ ઝડપી અને પાવર-કાર્યક્ષમ બનાવશે. પ્રો મોડેલોમાં 8GB થી 12GB RAM મળશે. જે Apple ઇન્ટેલિજન્સ અને મલ્ટીટાસ્કીંગને સુપર સ્મૂથ બનાવશે.
• બેટરી: iPhone 17 અને Pro Max માં 5000mAh થી વધુ બેટરી હોઈ શકે છે. 35W વાયર્ડ અને 25W વાયરલેસ ચાર્જિંગ સપોર્ટ ઉપલબ્ધ રહેશે. AirPods અથવા Apple Watch ને રિવર્સ વાયરલેસ ચાર્જિંગથી ચાર્જ કરી શકાય છે.
• અન્ય: એપલની વાઇફાઇ 7 ચિપ 40Gb/s સુધીની ગતિ અને ઓછી લેટન્સી આપશે. જે સ્ટ્રીમિંગ અને ગેમિંગમાં સુધારો કરશે. તે જ સમયે નવી કૂલિંગ સિસ્ટમ ગેમિંગ અને 4K વિડિયો રેકોર્ડિંગ દરમિયાન ફોનને cool રાખશે.

iPhone 17 લોન્ચ થતાં આ મોડેલ્સ થશે બંધ

Appleની પોલિસી છે કે તે દર વર્ષે એક નવી સિરીઝ લોન્ચ કરે છે તે સાથે જ એક જૂની સિરીઝ બંધ કરે છે. Apple કેટલાક જૂના મોડલ ખાસ કરીને Pro મોડલ બંધ કરે છે. જેથી લોકો નવા iPhone 17 Pro મોડલ ખરીદે. આમાં 5 થી 7 વર્ષ પહેલા લોન્ચ થયેલા મોડલ પણ બંધ થઈ શકે છે. જો કે આ મોડલ ફ્લિપકાર્ટ અને એમેઝોન કે અન્ય દુકાન જેવા થર્ડ-પાર્ટી પ્લેટફોર્મ પર સ્ટોક હશે ત્યાં સુધી વેચવામાં આવશે.

પહેલીવાર AI ટેકનોલોજી

એપલે ગયા વર્ષે 'ઇટ્સ ગ્લોટાઇમ' ઇવેન્ટમાં આઇફોન 16 સિરીઝ, એપલ વોચ સિરીઝ 10, એપલ વોચ અલ્ટ્રા 2 અને એપલ એરપોડ્સ 4 પણ લોન્ચ કર્યા હતા. કંપનીએ પહેલીવાર AI ફીચર્સનો સમાવેશ કર્યો હતો.

વધુ વાંચો: આ 5 લક્ષણ દેખાડ તો તમારા શરીરમાં B12 ની કમી, તુરંત ડોક્ટર પાસે પહોંચી જ જજો

2017 થી ભારતમાં iPhoneનું મેન્યુફેક્ચરિંગ

એપલે 2017 માં iPhone SE સાથે ભારતમાં iPhones નું મેન્યુફેક્ચરિંગ શરૂ કર્યું. તેની પાસે ત્રણ ઇલેક્ટ્રોનિક્સ મેન્યુફેક્ચરિંગ સર્વિસ (EMS) ભાગીદારો છે - Foxconn, Wistron અને Pegatron. iPhone SE પછી, iPhone 11, iPhone 12 અને iPhone 13 નું ઉત્પાદન પણ ભારતમાં થયું. Foxconnનો પ્લાન્ટ ચેન્નાઈ નજીક શ્રીપેરુમ્બુદુરમાં છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ