ટેક્નોલોજી / વગર ઇન્ટરનેટ આ મોબાઇલ સિરીઝ પર કરી શકાશે Wapp વીડિયો કોલ્સ, શું ભારતીયોને મળશે આ સુવિધા?

ટેક કંપની ગૂગલે તાજેતરમાં જ વૈશ્વિક સ્તરે પોતાની નવી Pixel 10 સિરીઝ લોન્ચ કરી છે, જેમાં ભારત પણ સામેલ છે. ગૂગલનું કહેવું છે કે આ સિરીઝમાં યુઝર્સને એક ખાસ અને ઉપયોગી સુવિધા આપવામાં આવી છે, જેના દ્વારા હવે નેટવર્ક કે Wi-Fi વગર પણ WhatsApp થી ઓડિયો અને વિડિયો કોલિંગ કરી શકાશે. કંપનીએ આ નવા ફીચરને દુનિયામાં પહેલીવાર સ્માર્ટફોનમાં રજૂ કર્યું છે.

ગૂગલે પોતાની X પોસ્ટ દ્વારા માહિતી આપી હતી કે Pixel 10 સિરીઝના યુઝર્સને ટૂંક સમયમાં WhatsApp પર સેટેલાઇટ કનેક્ટિવિટી દ્વારા કોલિંગ સુવિધા મળશે. એટલે કે જો ફોનમાં નેટવર્ક કે Wi-Fi ન હોય તો પણ, યુઝર્સ સીધા સેટેલાઇટ મારફતે WhatsApp ઓડિયો અને વિડિયો કોલ કરી શકશે. આ સુવિધા ખાસ કરીને ઈમરજન્સી પરિસ્થિતિમાં ખૂબ મદદરૂપ સાબિત થશે.

નવી સુવિધા ક્યારથી ચાલુ થાય છે?

કંપનીએ જણાવ્યું છે કે આ નવી સુવિધા 28 ઑગસ્ટથી વેચાણ માટે ઉપલબ્ધ થનારા Pixel 10 સિરીઝ સ્માર્ટફોનમાં શરૂ થશે. ગૂગલના ટીઝર વિડિયોમાં પણ બતાવવામાં આવ્યું છે કે સેટેલાઇટ કનેક્ટિવિટી વડે કોલિંગ કરી શકાય છે. જો કે, આ સુવિધા માત્ર એ જ ટેલિકોમ ઓપરેટર્સના નેટવર્ક પર ઉપલબ્ધ રહેશે જેમની પાસે પહેલેથી જ સેટેલાઇટ કનેક્ટિવિટી સેવા છે.

ભારતમાં હજી આ સુવિધા આવશે નહીં

ભારતમાં હજી સુધી સેટેલાઇટ સેવા ઉપલબ્ધ નથી, એટલે ભારતીય યુઝર્સને આ સુવિધા માટે થોડો સમય રાહ જોવો પડશે. જોકે, BSNL એ સોશિયલ મીડિયા પર સેટેલાઇટ સર્વિસ અંગે ટીઝર જાહેર કર્યું છે, જેના પરથી અનુમાન લગાવવામાં આવે છે કે આવનારા સમયમાં આ સેવા ભારતમાં પણ શરૂ થઈ શકે છે.

આ પણ વાંચો : ફ્લાઇટમાં મુસાફરી કરનારા જાણી લેજો તમારા અધિકાર, ફાયદામાં રહેશો

ગૂગલે દાવો કર્યો છે કે Pixel 10 સિરીઝ વિશ્વનો પહેલો સ્માર્ટફોન હશે જેમાં WhatsApp ઓડિયો અને વિડિયો કોલિંગ માટે સેટેલાઇટ કનેક્ટિવિટીનો ઉપયોગ કરવામાં આવશે. હાલની સ્થિતિએ સેટેલાઇટ મારફતે કોલિંગ અને SMS જેવી બેઝિક સેવાઓ તો ઉપલબ્ધ છે, પરંતુ WhatsAppમાં કોલિંગની આ નવીન સુવિધા વપરાશકર્તાઓ માટે એક નવો બદલાવ લાવી શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ