ઓટો / અલ્યા આટલું સસ્તું! TVS એ ભયાનક સસ્તું ઇલેક્ટ્રીક સ્કૂટર કર્યું લોન્ચ

ટીવીએસ મોટર્સે ભારતીય બજારમાં એક મોટું પગલું ભરીને નવું ઇલેક્ટ્રિક સ્કૂટર TVS Orbiter લોન્ચ કર્યું છે. કંપનીએ આ સ્કૂટરને ખાસ કરીને ફ્યુચરિસ્ટિક ડિઝાઇન અને સ્માર્ટ કનેક્ટિવિટી ફીચર્સ સાથે તૈયાર કર્યો છે. સૌથી મોટું આકર્ષણ એ છે કે આ સેગમેન્ટનું પહેલું ઇલેક્ટ્રિક સ્કૂટર છે જેમાં ક્રૂઝ કન્ટ્રોલ આપવામાં આવ્યું છે.

કિંમત

કંપનીએ સ્કૂટરની શરૂઆતની એક્સ-શોરૂમ કિંમત ₹99,900 રાખી છે, જેથી તે iQube કરતાં કિફાયતી સાબિત થાય છે. બુકિંગ પહેલેથી જ શરૂ થઈ ચૂક્યું છે અને ગ્રાહકો તેને કંપનીની વેબસાઈટ કે ડીલરશીપ પરથી બુક કરી શકે છે.

ડિઝાઇન અને કન્ફર્ટ

• બોક્સી અને મોડર્ન ડિઝાઇન, એયરોડાયનેમિક બોડી સાથે 10% વધારાની રેન્જ.
• 845 મિમીની લાંબી ફ્લેટ સીટ, ડ્રાઈવર અને પિલિયન બંને માટે આરામદાયક.
• 34 લિટરનું અંડર-સીટ સ્ટોરેજ – બે હેલ્મેટ સરળતાથી ફિટ થાય.
• 290 મિમીનું ફુટબોર્ડ, વધારે લેગરૂમ સાથે.
• LED હેડલેમ્પ, કલર LCD ક્લસ્ટર, કોલ-એસએમએસ નોટિફિકેશન ડિસ્પ્લે.

બેટરી અને રેન્જ

• 3.1 kWh લિથિયમ-આયન બેટરી.
• એકવાર સંપૂર્ણ ચાર્જ થયા પછી સ્કૂટર 158 કિમી સુધી દોડશે.
• બેટરી IP67 રેટેડ – ધૂળ, પાણી અને ગરમીથી સુરક્ષિત.
• 14 ઇંચના મજબૂત વ્હીલ્સ, ખરાબ રસ્તાઓ પર પણ સરળ ડ્રાઈવ.

સ્માર્ટ કનેક્ટિવિટી અને સેફ્ટી ફીચર્સ

• મોબાઈલ એપ કનેક્ટિવિટી – બેટરી, ઓડોમીટર ચેક, લાઈવ લોકેશન ટ્રેકિંગ.
• ક્રેશ/ફોલ એલર્ટ, ઈમર્જન્સી નોટિફિકેશન, એન્ટી-થીફ્ટ અને જિયો-ફેન્સિંગ.
• ક્રૂઝ કન્ટ્રોલ, હિલ-હોલ્ડ અસિસ્ટ અને પાર્કિંગ અસિસ્ટ જેવા એડવાન્સ ફીચર્સ.
• ઓવર-ધ-એયર (OTA) અપડેટ્સ – સમયસર નવા ફીચર્સ મળશે.

કલર ઓપ્શન્સ

સ્કૂટર છ રંગોમાં ઉપલબ્ધ રહેશે. નિઓન સનબર્સ્ટ, સ્ટ્રાટોસ બ્લૂ, લુનર ગ્રે, સ્ટેલર સિલ્વર, કોસ્મિક ટાઇટેનિયમ અને માર્ટિયન કૉપર.

કોમ્પિટિશન

આ નવો ‘ઓર્બિટર’ સીધી ટક્કર આપશે બજાજ ચેતક, ઓલા ઇલેક્ટ્રિક, હીરો વિડા અને એથર એનર્જી જેવા ઇલેક્ટ્રિક સ્કૂટર્સને.

આ પણ વાંચો: EPFO 3.0ના નામથી લૉન્ચ થશે ન્યૂ ડિજિટલ પ્લેટફોર્મ, રહેશો ફાયદામાં

ટૂંકમાં કહીએ તો ટીવીએસ ઓર્બિટર માત્ર કિંમતમાં જ નહીં પરંતુ ફીચર્સ અને સેફ્ટીમાં પણ ગેમ-ચેન્જર સાબિત થઈ શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ