સ્પોર્ટ્સ / VIDEO : કુલદીય યાદવ રિસેપ્શનમાં રવિન્દ્ર જાડેજાની પત્ની રિવાબા જાડેજાને પગે લાગ્યો, જુઓ વીડિયો

ક્રિકેટર કુલદીપ યાદવે 14 માર્ચે મસૂરીમાં વંશિકા સાથે લગ્ન કર્યા હતા. લગ્ન બાદ મંગળવારે (17 માર્ચ) લખનૌના હોટેલ સેન્ટ્રમ ખાતે  રિસેપ્શનનું આયોજન કરવામાં આવ્યું હતું, જેમાં ક્રિકેટ, રાજકારણ અને બિઝનેસ જગતની અનેક જાણીતી હસ્તીઓએ હાજરી આપી હતી.

રાજકીય જગતમાંથી યુપીના મુખ્યમંત્રી યોગી આદિત્યનાથ અને સમાજવાદી પાર્ટીના અધ્યક્ષ અખિલેશ યાદવે પણ કુલદીપના રિસેપ્શનમાં હાજરી આપી હતી. ભારતીય ક્રિકેટ ટીમના મુખ્ય કોચ ગૌતમ ગંભીર અને પૂર્વ ક્રિકેટર શિખર ધવન પણ હાજર રહ્યા હતા.

આ ભવ્ય રિસેપ્શન દરમિયાન કુલદીપ યાદવે મુખ્યમંત્રી યોગી આદિત્યનાથને પગે લાગીને તેમના આશીર્વાદ લીધા હતા. જ્યારે કુલદીપ અખિલેશ યાદવના પગ સ્પર્શ કરવા માટે નીચે ઝૂક્યો ત્યારે પૂર્વ મુખ્યમંત્રીએ તેમને ભેટી પડ્યા હતા.

અખિલેશના આ હાવભાવની સોશિયલ મીડિયા પર ખાસ ચર્ચા થઈ રહી છે. આ દરમિયાન કુલદીપની પત્ની વંશિકાએ અખિલેશ યાદવના પગ સ્પર્શ કરીને તેમના આશીર્વાદ માંગ્યા હતા. આનો એક વીડિયો વાયરલ થઈ રહ્યો છે.

•  જાડેજાની પત્નીને કુલદીપ પગે લાગ્યો
  ક્રિકેટર રવિન્દ્ર જાડેજા પણ કુલદીપના લખનૌ રિસેપ્શનમાં તેની પત્ની રીવાબા જાડેજા સાથે પહોંચ્યો હતો. જેઓ કુલદીપ જાડેજાને જોઈને ખૂબ ખુશ દેખાયા હતા. આ દરમિયાન કુલદીપ રીવાબાને પગે લાગ્યો હતો જેમાં રીવાબાની પ્રતિક્રિયાનો એક વીડિયો પણ સોશિયલ મીડિયા પર વાયરલ થઈ રહ્યો છે. કુલદીપ તેના સિનિયર પ્લેયર રવિન્દ્ર જાડેજાને પણ પગે લાગ્યો હતો.
  

અહીંયા શિખર પોતાની નવી દુલ્હન સોફી શાઇન સાથે લગ્નમાં પહોંચ્યો હતો. ઋષભ પંત અને લખનૌ સુપર જાયન્ટ્સ ટીમના ખેલાડીઓ પણ હાજર રહ્યા હતા.

વધુ વાંચો : મેહંદી લગાવી રહેલી ભાભી સાનિયા સાથે નણંદ સારા તેંડુલકરે કરી જોરદાર મસ્તી

આ સિવાય કુલદીપના રિસેપ્શનમાં યુપીના નાયબ મુખ્યમંત્રી બ્રજેશ પાઠક અને બીસીસીઆઈના ઉપપ્રમુખ રાજીવ શુક્લાએ પણ હાજરી આપી હતી. યશસ્વી જયસ્વાલ, ઋષભ પંત અને કોમેડીયન હર્ષ ગુજરાલે પણ આ રિસેપ્શનમાં હાજરી આપી હતી. 

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ