ફાયદાકારક / બ્લેકહેડ્સ, કરચલીઓ અને ડાઘ-ધબ્બાને દૂર કરી ચહેરો ચમકાવી દેશે આ 1 વસ્તુમાંથી બનેલું સ્ક્રબ, તમે પણ ઘરે બનાવી લો

• ચહેરાના બ્લેકહેડ્સ, કરચલીઓ અને ડાઘ-ધબ્બાને દૂર કરી દેશે આ ઉપાય
• જાયફળનું આ નેચરલ સ્ક્રબ સ્કિન માટે છે વરદાન
• એકવાર ટ્રાય કરશો તો દેખાશે અસર

જાયફળ એક એવું ફળ છે જેને ખાસ સુગંધ અને સ્વાદ માટે ઓળખવામાં આવે છે. જાયફળનો ઉપયોગ સ્વાદ વધારવા માટે કે કોઈપણ ડિશને વિશેષ ફ્લેવર આપવા માટે કરવામાં આવે છે. પણ શું તમે જાણો છો કે સ્કિન માટે પણ જાયફળ ખૂબ જ ઉપયોગી છે. તો આજે અમે તમને તમારી ખરાબ અને બ્લેકહેડ્સ, કરચલીઓ અને ડાઘ-ધબ્બા સ્કિનને એકદમ ગ્લોઈંગ અને ક્લિઅર બનાવવા માટે જાયફળનું સ્ક્રબ જણાવીશું. એકવાર જરૂર ટ્રાય કરજો. 

સ્કિન માટે જાયફળના ફાયદા

જાયફળ સ્કિન સંબંધી પરેશાનીઓમાં ખૂબ જ ફાયદાકારક છે. તેમાં ભરપૂર વિટામિન્સ અને એન્ટીઓક્સીડેન્ટ્સ હોય છે. જે સ્કિનને પોષણ આપે છે. આ એક બેસ્ટ સ્કિન એક્સફોલિએટર તરીકે પણ કામ કરે છે. તેમાં રહેલાં એન્ટીબેક્ટિયલ ગુણો ખીલ, ડાઘને દૂર કરે છે. આ સિવાય જાયફળના સ્ક્રબનો ઉપયોગ કરવાથી બ્લેકહેડ્સ અને કરચલીઓ પણ દૂર થાય છે અને સ્કિન ટાઈટ અને યુવાન દેખાવા લાગે છે.

આ રીતે બનાવો જાયફળનું સ્ક્રબ

• 2 ચમચી દૂધમાં 1 ચમચી જાયફળ પાઉડર મિક્સ કરીને પેસ્ટ બનાવી લો. પછી ચહેરો ધોઈને ચહેરા પર લગાવી લો. 
• ચહેરાના જે ભાગ પર કરચલીઓ, બ્લેકહેડ્સ, ડાઘ હોય ત્યાં વ્યવસ્થિત રીતે લગાવો. 
• પછી 5 મિનિટ સર્ક્યુલર મોશનમાં રબ કરો અને સૂકાય જાય પછી ધોઈ લો. 
• આ સ્કિનના પોર્સ (રોમછિદ્રો)માં જઈને ચહેરાની ગંદકી દૂર કરે છે. 
• તેનું સ્ક્રબ બનાવવા ડ્રાય સ્કિનવાળાઓએ ફુલ ફેટ મિલ્ક અને ઓઈલી સ્કિનવાળાઓ મધનો ઉપયોગ કરવો. 

ક્યારે અને કેટલીવાર ઉપયોગ કરવો

સપ્તાહમાં 1 અથવા 2વાર આ સ્ક્રબનો ઉપયોગ કરી શકાય છે. ફેસવોશ કર્યા બાદ તેનાથી સ્ક્રબ કરવાથી સ્કિન ગ્લોઈંગ અને સુંવાળી પણ બની જશે.