ફર્સ્ટ લુક / રણવીર સિંહનો નટરાજ શૉટ જોઈ ભાવુક થયો કપિલ દેવ, કર્યા તેના વખાણ

• રણવીરે શેર કર્યો 'નટરાજ શૉટ' મારતો ફોટો
• કપિલ દેવે કહ્યું, 'હેટ્સ ઑફ રણવીર'

કપિલ દેવ જે રીતે એક પગને ઉપર ઉઠાવી લેગ સાઈડમાં લઈ નટરાજ શૉટ મારતા હતા, એવા જ પોઝ સાથેની તસવીર રણવીરે સોમવારે પોસ્ટ કરી હતી. કપિલે રણવીરની આ પોસ્ટ પર રીટ્વિટ કરતા લખ્યું, 'હેટ્સ ઑફ રણવીર'. રણવીરે ફોટા પર પહેલાં કેપ્શન આપ્યું હતું, 'નટરાજ શૉટ હેશટેગ રણવીર એઝ કપિલ'.

NATRAJ SHOT 🏏 #RanveerAsKapil 🇮🇳 @therealkapildev @kabirkhankk @deepikapadukone @Shibasishsarkar @madmantena #SajidNadiadwala @vishinduri @RelianceEnt @FuhSePhantom @NGEMovies @vibri_media @ZeeMusicCompany pic.twitter.com/RQDlyOKtas

— Ranveer Singh (@RanveerOfficial) November 11, 2019

કપિલ દેવનો આ શૉટ 1983માં વર્લ્ડ કપના સેમી ફાઈનલમાં ઝિમ્બાબ્વે સામે રમાયેલી 175 રનની અણનમ ઈનિંગ્સ પછી ફેમસ થયો હતો. આ મેચ કપિલ દેવના કરિયરની શ્રેષ્ઠ વનડે મેચમાંથી એક હતી અને રસપ્રદ વાત એ છે કે આ મેચ તે સમયે કોઈપણ ચેનલ પર પ્રસારિત કે રેકોર્ડ કરવામાં આવી નહોતી. 

ફિલ્મ '83'માં વેસ્ટ ઈન્ડીઝ સામે 1983ના વિશ્વ કપમાં ભારતીય ક્રિકેટ ટીમની જીતને ફરી રિક્રિએટ કરવામાં આવી છે કારણ કે આ જીત સાથે ભારતે ઈતિહાસ રચ્યો હતો અને પહેલીવાર વિશ્વ કપ જીતીને ભારતીય ક્રિકેટ ટીમે દેશનું માથું ગર્વથી ઊંચુ કરી દીધું હતું. ફિલ્મ '83'નું નિર્દેશન કબીર ખાન કરી રહ્યા છે. આ ફિલ્મ 10 એપ્રિલ, 2020 સુધી રિલીઝ થઈ શકે છે.