Kali Chaudas 2023 / સંકટ કટે મિટે સબ પિરા.. દિવાળીના એક દિવસ પહેલા કાળી ચૌદસે હનુમાન દાદાની આ રીતે કરો વિશેષ પૂજા, કષ્ટો છેડો ફાડશે

• દિવાળી પહેલાં કાળીચૌદસનાં દિવસે કરવાની વિધિ
• શુભ યોગમાં હનુમાનજીની પૂજા કરવાનો મહિમા
• સફળતાની સાથે-સાથે ધન-ધાન્યમાં પણ થશે વધારો

દિવાળીનાં એકદિવસ પહેલાં કાળી ચૌદસનો પર્વ ઊજવવામાં આવે છે. હિંદૂ પંચાગ અનુસાર કાર્તિક માસનાં કૃષ્ણ પક્ષની ચતુર્દશી તિથિનાં દિવસે કાળીચૌદસનો પર્વ ઊજવવામાં આવે છે. આ દિવસે યમરાજ, માં લક્ષ્મીની પૂજાની સાથે-સાથે હનુમાનજીની પૂજા કરવાનું પણ વિધાન છે. શાસ્ત્રો અનુસાર દિવાળીનાં દિવસે ભગવાન રામ રાવણનું વધ કરીને 14 વર્ષોનાં વનવાસ બાદ અયોધ્યા પાછા વળ્યાં હતાં. તેમના પાછા આવ્યાની ખુશીમાં દિવાળીનો પર્વ મનાવવામાં આવે છે. હનુમાનજીએ પોતાના સમર્પણ અને ભક્તિભાવથી શ્રીરામને પ્રસન્ન કરી લીધાં હતાં. આ જ કારણોસર હનુમાનજીને આશીવાર્દ મળ્યાં હતાં કે સંસારમાં તેમની પૂજા પહેલા હનુમાનજીની પૂજા કરવામાં આવશે. તેથી જ દિવાળીનાં એક દિવસ પહેલાં કાળીચૌદસનાં દિવસે હનુમાનજીનું પૂજન કરવામાં આવે છે.

શુભમૂહુર્ત
હિંદૂ પંચાગ અનુસાર 11 નવેમ્બરનાં બપોરે 1 વાગીને 59 મિનીટ પર ચૌદશનો પ્રારંભ થઈ રહ્યો છે જે બીજા દિવસે એટલે કે 12 નવેમ્બરનાં બપોરે 2.46એ સમાપ્ત થાય છે. 11 નવેમ્બરનાં કાળીચૌદશનાં દિવસે પ્રીતિ યોગ બની રહ્યો છે જે શુભ યોગ માનવામાં આવે છે. આ યોગમાં કોઈપણ કામ કરવાથી શુભ ફળોની પ્રાપ્તિ થાય છે. પ્રીતિ યોગનો પ્રારંભ 10 નવેમ્બરનાં સાંજે 5.04 વાગ્યે થશે જે 11 નવેમ્બર સાંજે 4.57 મીનિટ સુધી રહેશે.

આવી રીતે કરવી હનુમાનજીની પૂજા

• કાળીચૌદશનાં દિવસે સ્નાન કર્યા બાદ સ્વચ્છ વસ્ત્રો પહેરવા.
• પછી એક ચોકીમાં લાલ રંગનું કપડું પાથરી હનુમાનજીની મૂર્તિ કે ફોટો રાખવો.
• સૌથી પહેલાં પુષ્પની મદદથી જળનું આચમન કરવું.
• આ બાદ અનામિકા આંગળીથી હનુમાજીને રોલી કુમકુમ વગેરે લગાડવું.
• આ સાથે જ ફુલની માળા વગેરે અર્પિત કરવું.
• આ સાથે જ બુંદીનાં લાડ્ડું કે અન્ય કોઈ મિઠાઈનો ભોગ લગાડવો.
• ઘીનો દીવો અને ધૂપ પ્રગટાવવી અને વિધિવત હનુમાન ચાલીસાનો પાઠ કરવો.
• આ બાદ વિધિવત આરતી કરવી અને અંતમાં ભૂલચૂક માટે માફી માંગી લેવી.