જોબ / બેંક ઓફ બરોડામાં મેનેજરની જોબ, પગાર મહિને 1,20,000 રૂપિયા, કોણ કરી શકે અરજી?

બેંકિંગ ક્ષેત્રમાં કારકિર્દી બનાવવાની ઈચ્છા રાખનારાઓ માટે સારા સમાચાર છે. બેંક ઓફ બરોડાએ ક્રેડિટ એનાલિસ્ટના વિવિધ પદો માટે ભરતી જાહેર કરી છે. આ ભરતી હેઠળ મેનેજર, સિનિયર મેનેજર અને ચીફ મેનેજર સહિત કુલ 50 જગ્યાઓ ભરવામાં આવશે. રસ ધરાવતા ઉમેદવારો 30 ઓક્ટોબર 2025 સુધી બેંકની અધિકૃત વેબસાઈટ bankofbaroda.bank.in દ્વારા ઓનલાઈન અરજી કરી શકશે.

લાયકાત અને અનુભવ

ઉમેદવાર કોઈપણ વિષયમાં સ્નાતક થયેલો હોવો જરૂરી છે. જો ઉમેદવાર પાસે ફાઇનાન્સમાં સ્પેશિયાલાઈઝેશન હોય અથવા CA, CMA, CS, CFA જેવી વ્યાવસાયિક લાયકાત હોય તો તેમને પ્રાથમિકતા આપવામાં આવશે. દરેક પદ માટે જરૂરી અનુભવનો સમયગાળો અલગ છે, જેની વિગત બેંકની અધિકૃત સૂચનામાં આપવામાં આવી છે.

વય મર્યાદા

ઉંમરની ગણતરી 1 ઓક્ટોબર 2025ને આધારે કરવામાં આવશે. પદ મુજબ ન્યૂનતમ અને મહત્તમ ઉંમર મર્યાદા નક્કી કરવામાં આવી છે, તેથી ઉમેદવારોએ અરજી કરતા પહેલાં સૂચના ધ્યાનપૂર્વક વાંચવી જોઈએ.

પગાર અને સુવિધાઓ

ચૂકાયેલા ઉમેદવારોને પદ મુજબ આકર્ષક પગાર મળશે.

• મેનેજર: ₹64,820 – ₹93,960 પ્રતિ મહિનો
• સિનિયર મેનેજર: ₹85,920 – ₹1,05,280 પ્રતિ મહિનો
• ચીફ મેનેજર: ₹1,02,300 – ₹1,20,940 પ્રતિ મહિનો

આ ઉપરાંત બેંકિંગ ક્ષેત્રની અન્ય સુવિધાઓ અને ભથ્થાં પણ મળશે.

અરજી ફી

• જનરલ, EWS અને OBC ઉમેદવાર: ₹850 (GST સહિત)
• SC, ST, PwD, પૂર્વ સૈનિક અને મહિલા ઉમેદવાર: ₹175 (GST સહિત)

આ ફી ન પરત થનારી છે, તેથી ફોર્મ ભરતી વખતે તમામ વિગતો યોગ્ય રીતે ભરવી જરૂરી છે.

પસંદગી પ્રક્રિયા

ઉમેદવારોને પ્રથમ ઓનલાઈન પરીક્ષા આપવી પડશે જેમાં ચાર વિભાગ રહેશે.

• તર્કશક્તિ
• અંગ્રેજી ભાષા
• ગણિતીય ક્ષમતા
• વ્યવસાયિક જ્ઞાન

આ પરીક્ષામાં કુલ 225 ગુણ હશે. પ્રારંભિક ત્રણ વિભાગ પાસ/નાપાસ આધારિત રહેશે. પરીક્ષા પાસ કરનારા ઉમેદવારોને ગ્રુપ ડિસ્કશન અથવા ઇન્ટરવ્યૂ માટે બોલાવવામાં આવશે.

આ પણ વાંચો : EPFO નો મોટો નિર્ણય, હવે PF એકાઉન્ટમાંથી તમામ નાણા ઉપાડી શકાશે, સમજો સંપુર્ણ ગણિત

અરજી કેવી રીતે કરવી

• bankofbaroda.bank.in પર જઈ Career વિભાગ ખોલો.
• Current Opportunities પર ક્લિક કરો.
• સંબંધિત ભરતી લિંક પર Apply Online પસંદ કરો.
• જરૂરી વિગતો ભરો અને દસ્તાવેજો અપલોડ કરો.
• અરજી ફી ભર્યા પછી ફોર્મ સબમિટ કરો.
• ફોર્મ સબમિટ કર્યા પછી મળેલ રજીસ્ટ્રેશન નંબર સાચવી રાખો.

જો તમે ફાઇનાન્સ ક્ષેત્રમાં સારી નોકરીની શોધમાં છો, તો આ તક ચૂકતા નહીં. બેંક ઓફ બરોડામાં મેનેજમેન્ટ લેવલની પોસ્ટ પર કામ કરવાનો મોકો અને ઉત્તમ પગાર બંને મળશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ