તમારા કામનું / 5 દિવસ બાકી..કરી દેજો ITR ફાઈલ નહીંતર દંડ ભરવા રહેજો તૈયાર, આ લોકોને મળે છે સ્પેશિયલ છૂટ

બે દિવસ પહેલા ઈન્કમ ટેક્સ ડિપાર્ટમેન્ટ દ્વારા જાહેર કરવામાં આવેલા આંકડા મુજબ 22 જુલાઈ સુધી 4 કરોડથી વધુ લોકોએ ITR ફાઈલ કર્યું છે. ગયા વર્ષે 31 જુલાઈ સુધી સાડા સાત કરોડથી વધુ લોકોએ ITR ફાઈલ કર્યું હતું. આ વખતે પણ ઇન્કમ ટેક્સ રિટર્ન (ITR ફાઇલિંગ) ફાઇલ કરવાની છેલ્લી તારીખ 31મી જુલાઈ છે. જો તમે 31 જુલાઈ પછી ITR ફાઇલ કરો છો, તો તમારે તમારી આવક અનુસાર દંડ ભરવો પડશે. જો કે, કેટલાક લોકો 31 જુલાઈ પછી પણ દંડ ભર્યા વિના ITR ફાઈલ કરી શકે છે.

1000 થી 5000 રૂપિયા સુધીનો દંડ

આવકવેરા વિભાગ કેટલાક લોકોને 31મી જુલાઈની અંતિમ તારીખ પછી ITR ફાઈલ કરવાની સુવિધા પૂરી પાડે છે. પરંતુ જો તમે પગારદાર વર્ગના છો તો તમારે 31મી જુલાઈ સુધીમાં ઈન્કમ ટેક્સ રિટર્ન ફાઈલ કરવું જરૂરી છે. જો તમે આમાં વિલંબ કરો છો અને તમારી વાર્ષિક આવક રૂ. 5 લાખથી ઓછી છે, તો તમારે ITR મોડું ફાઇલ કરવા બદલ 1000 રૂપિયાનો દંડ ભરવો પડશે. જે લોકોની વાર્ષિક આવક 5 લાખ રૂપિયાથી વધુ છે તેમને 5000 રૂપિયાનો દંડ ભરવો પડશે.

વધુ વાંચોઃ- મોબાઈલ રિચાર્જ પ્લાન મોંઘા થયા બાદ હવે શાનદાર ઓફર, 1 હજાર રૂપિયાનો થશે ફાયદો

31 જુલાઈ પછી કોણ ITR ફાઇલ કરી શકે છે?

ઉદ્યોગપતિઓ અથવા એવા લોકો કે જેમને તેમના ખાતાઓનું ઓડિટ કરાવવાનું હોય છે તેમની દર વર્ષે ITR ફાઇલ કરવાની તારીખ અલગ હોય છે. આ લોકો પાસે ITR ફાઇલ કરવા માટે 31 ઓક્ટોબર સુધીનો સમય છે. તેમને આવકવેરા વિભાગ દ્વારા ત્રણ મહિનાનો વધારાનો સમય આપવામાં આવે છે જેથી તેઓ ચાર્ટર્ડ એકાઉન્ટન્ટ (CA) દ્વારા ઓડિટ કરાવી શકે અને પછી ITR ફાઇલ કરી શકે છે.

31મી ઓક્ટોબર પછી પણ ITR ફાઈલ કરવાની સુવિધા?

અમુક પ્રકારના વ્યવહારો માટે ITR ફાઈલ કરવામાં પણ છૂટ છે. જો કોઈ બિઝનેસને આંતરરાષ્ટ્રીય વ્યવહારોમાં ટ્રાન્સફર પ્રાઈસિંગ રિપોર્ટ ફાઇલ કરવો હો છે, તો આવા વ્યવસાયને ITR ફાઈલ કરવા માટે વધારાનો સમય આપવામાં આવે છે. આવા લોકો 30 નવેમ્બર સુધી રિટર્ન ફાઇલ કરી શકે છે. આંતરરાષ્ટ્રીય વ્યવહારો ઉપરાંત, કેટલાક પ્રકારના સ્થાનિક વ્યવહારોમાં પણ આવી છૂટછાટ આપવામાં આવે છે.