કાર્યવાહી / ગુજરાત સહિત અન્ય જગ્યાએ રામી ગ્રૂપ ઓફ હોટેલ્સ પર આઈટી દરોડા: 10 શહેરોમાં તપાસ, 38 સ્થળે રેડ

દેશના જાણીતા હૉસ્પિટાલિટી બ્રાન્ડ રામી ગ્રૂપ ઓફ હોટેલ્સ પર આજે ઇનકમ ટેક્સ વિભાગની ઇન્વેસ્ટિગેશન વિંગે વિશાળ દરોડાની કામગીરી હાથ ધરી. સ્રોતોના જણાવ્યા મુજબ, દેશના લગભગ 10 શહેરોમાં એકસાથે તપાસ શરૂ કરવામાં આવી છે અને કુલ 38 સ્થળોએ આઈટી ટીમોએ રેડ પાડી છે.

ભુજ, મુંબઈ સહિત અનેક શહેરોમાં તપાસ ચાલુ

માહિતી મુજબ, આ તપાસ ભુજ, મુંબઈ સહિત અનેક શહેરોમાં ચાલી રહી છે જ્યાં રામી ગ્રૂપની હોટેલ્સ, ઓફિસો અને સંકળાયેલા વ્યાપારી સંસ્થાઓમાં દસ્તાવેજોની તપાસ, ડિજિટલ ડેટાના વિશ્લેષણ અને આર્થિક વ્યવહારોની ચકાસણી કરવામાં આવી રહી છે.

ગલ્ફ દેશોમાં પણ વ્યાપક હોટેલ નેટવર્ક

રામી ગ્રૂપ ભારત સાથે સાથે ગલ્ફ દેશોમાં પણ વ્યાપક હોટેલ નેટવર્ક ધરાવે છે. હાલમાં ગ્રૂપ અંદાજે 52 જેટલી હોટેલ્સનું સંચાલન કરે છે, જેના કારણે ગ્રૂપની આવક, રોકાણ અને અન્ય નાણાકીય વ્યવહારોને લઈને આઈટી વિભાગની નજર લાંબા સમયથી હતી.

આ પણ વાંચોઃ બજારમાં મળતા ઓછા ભાવથી દુઃખી ખેડૂત, 50 વીઘાની ડુંગળી ફ્રીમાં વહેંચી

આઈટી અધિકારીઓના જણાવ્યા મુજબ, દરોડા દરમિયાન મળનારી માહિતીના આધારે આગળની કાર્યવાહી નક્કી કરવામાં આવશે. ગ્રૂપ તરફથી હજી કોઈ સત્તાવાર પ્રતિક્રિયા આપવામાં આવી નથી. પરિસ્થિતિને લઈને હૉસ્પિટાલિટી ઇન્ડસ્ટ્રીમાં ચર્ચાઓ ગરમાઈ છે અને આવનારા કલાકોમાં વધુ વિગતો સામે આવવાની શક્યતા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ