એપલ ઇવેન્ટ 2025 / iPhone 17 Pro: આકર્ષક ડિઝાઇન, ત્રણ કલર વેરિએશન, જાણો ભારતમાં તેની શરૂઆતની કિંમત

એપલે ગતરોજ iPhone 17, iPhone 17 Pro, iPhone 17 Pro Max અને iPhone Air લોન્ચ કરી દીધા છે. જો તેના iPhone 17 Pro મોડલ વિશે વાત કરીએ તો તેમાં નવું A19 Pro પ્રોસેસર આપવામાં આવ્યું છે અને ફોનને ઠંડો રાખવા માટે તેમાં થર્મલ ડિઝાઇનવાળું વેપર ચેમ્બર લગાવવામાં આવ્યું છે. આ વખતે કંપનીએ પાછલી જનરેશન ટાઇટેનિયમ ફ્રેમને દૂર કરીને એલ્યુમિનિયમ બોડી આપી છે.

• કિંમત કેટલી?

એપલનો દાવો છે કે, iPhone 17 Pro એ iPhone 16 Pro કરતાં 40% વધુ સારું પર્ફોમન્સ આપે છે. તેમાં અત્યાર સુધીની બેસ્ટ બેટરી બેકઅપ અપાઈ છે, જે આ પહેલા iPhone માં મળી રહ્યુ છે. ભારતમાં તેની શરૂઆતની કિંમત 1,34,990 રૂપિયા છે. જેમાં તમને ત્રણ કલર ઓપ્શન મળશે.

• iPhone 17 Pro કેમેરા
  iPhone 17 Proમાં બધા 48MP કેમેરા અપાયા છે. પહેલીવાર પાછળના ભાગમાં ત્રણ 48MP ફ્યુઝન કેમેરા મળી રહ્યા છે. તેમાં 1x, 2x, 4x ટેલિફોટો અને 8x ટેલિફોટો ઝૂમ આવે છે. ફોટો માટે 40x સુધી ડિજિટલ ઝૂમ આવે છે. ફ્રન્ટ પર દરેક iPhone 17 મોડેલોની જેમ આગળના ભાગમાં 18MP સેન્ટર સ્ટેજ કેમેરા છે. Dolby Vision HDR, 4K120 અને ProRes Log સપોર્ટ છે. તેમાં પાછળના ભાગમાં ત્રણ-લેન્સવાળા કેમેરા મોડ્યુલ અને એન્ટેના અપાયા છે, જ્યારે Ceramic Shield ફ્રન્ટ ડિસ્પ્લેને પ્રોટેક્ટ કરે છે.
  

વધુ વાંચો:iPhone 17 સિરીઝ લોન્ચ થતા જ બજારમાંથી ગાયબ થઈ જશે iPhone આ 4 મોડેલ!

• નવી ડિઝાઇન
  iPhone 17 Pro માં જૂના સ્ક્વેર શેપ કેમેરા મોડ્યુલને બદલે હવે રેક્ટેંગ્યુલર કેમેરા મોડ્યુલ અપાયુ છે, જેમાં ટ્રિપલ કેમેરા સેન્સર ફીટ કરાયું છે. એપલે ફરીથી સોલિડ એલ્યુમિનિયમથી શરૂઆત કરી છે, જે કસ્ટમ એક્સટ્રુઝનથી બનાવાયુ છે. એલ્યુમિનિયમ બોડીનો મતલબ એક નવી થર્મલ સિસ્ટમ છે, જે એલ્યુમિનિયમ યુનિબોડીમાંથી હીટને ઝડપથી બહાર કાઢે છે. તેને બીજા મોડલોની માફક પાછળ અને આગળ બંને ભાગ Ceramic Shield થી પ્રોટેક્ટ કરાયુ છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ