દિવાળીની રજાઓનો માહોલ છે અને બધા વેકેશનના મૂડમાં છે. એમાં પણ પાછા આપણે ભારતીયો પ્રવાસની શોખીન પ્રજા છીએ એ સૌ કોઈ જાણે છે. ભારતમાં એક સમયે પોતાનું ઘર ખરીદવું એ સૌનું સપનું હતું. હવે પોતાની ફેવરિટ ડેસ્ટિનેશન પર ફરવા જવું એ સૌનું સપનું બની ગયું છે.
ભારતમાં GDP 2018ના આંકડા મુજબ 10% GDP પ્રવાસન ઉદ્યોગ વડે આવ્યો હતો. આ સર્વિસ સેક્ટરમાંથી સૌથી વધુ કર્મચારીઓ ધરાવતું ક્ષેત્ર છે.
2020 સુધીમાં આ ક્ષેત્ર 48 અબજ ડોલર એટલે કે 3 લાખ કરોડ જેટલું મોટું બની જવાની સંભાવના છે. આ ઉછાળામાં ટેક્નોલોજીનો વિકાસ મહત્વનો ભાગ ભજવે છે. આજે પણ પ્રવાસીઓ બહારથી ફરવા કરતા જે તે વિસ્તારના પરંપરાગત ક્લચરને નજીકથી માણવાનો વધુ આગ્રહ રાખે છે.
booking.comના એક અધિકારીના જણાવ્યા મુજબ લોકો હવે વધુને વધુ દૂરની ટ્રિપ્સ પસંદ કરી રહ્યા છે. આ ઉપરાંત પહેલા વિદેશમાં લોકો ફક્ત યુરોપ જતા હતા જયારે હવે એશિયા પણ લોકોનું ફેવરિટ ડેસ્ટિનેશન બન્યું છે.
ભારત હવે પ્રવાસન માટે વધુ સુલભ બન્યું છે. booking.com પર ભારતના 8,80,000 જેટલા હોટલ્સ, રિસોર્ટ્સ નોંધાયેલા છે. booking.com પર ભારતના બૂકિંગ્સમાં 2017-18માં 68%નો જંગી ઉછાળો નોંધાયો હતો.
શું ભારતનો પ્રવાસન ઉદ્યોગ ઘણા વધારે હરીફો ધરાવે છે?
ભારતમાં પ્રવાસન ઉદ્યોગ ખૂબ સ્પર્ધાત્મક છે અને ભારત વિકાસશીલ દેશ છે એટલે અહીં ઘણી બધી કંપનીઓ ટ્રાવેલ એજન્ટ્સ તરીકે ઓપરેટ થાય છે.
staycationનો ક્રેઝ વધ્યો છે
staycation એટલે કે પોતાના જ શહેરમાં એક દિવસની રિલેક્સિંગ ટુર કરવી અને પોતાના શહેરમાં ના જોયેલા આકર્ષણો માણવા. આ ઉપરાંત લોકો ટૂંકા વેકેશન લઇને નજીકની જગ્યાઓએ જવાનું પણ વધુ પસંદ કરી રહ્યા છે.
પ્રવાસન ક્ષેત્રનું ભવિષ્ય શું હશે?
ઉપર જણાવ્યા મુજબ લોકોને જે તે જગ્યાની સ્થાનિક સંસ્કૃતિ માણવી વધુ ગમે છે. ભારતમાં પણ આ ટ્રેન્ડ જોવા મળ્યો છે. ભારતમાં booking.comની 8 લાખથી વધુ હોટલોમાં આશરે દોઢ લાખ જગ્યાઓ સ્થાનિક ઘર, એમ્પાર્ટમેન્ટ, ફાર્મ હાઉસ જેવી યુનિક જગ્યા છે.
ટેક્નોલોજી કેવી રીતે આમાં ભાગ ભજવશે?
પ્રવાસીઓ હવે ટ્રાવેલ એપ્સનો મોબાઇલમાં છૂટથી ઉપયોગ કરે છે. આથી તેઓ છેલ્લી મિનિટે બુકીંગ કરાવી અથવા બદલાઈ શકે છે.
આ ઉપરાંત પ્રવાસીઓ પહેલા કરતા ખુબ જાગૃત થઇ ગયા છે. તેઓ તેમની જરૂરિયાત મુજબ જ બુકીંગ કરાવે છે. આમ આર્ટિફિશ્યલ ઇન્ટેલિજન્સનો મહત્વનો ભાગ છે. તે યાત્રીની ચોક્કસ જરૂરિયાત અને ઈચ્છા મુજબના સ્થળો અને હોટેલો શોધવામાં મદદ કરે છે.
મહિલાઓનું યોગદાન ખૂબ મહત્વનું
મહિલાઓ કદાચ ટેક્નોલોજી ઇન્ડસ્ટ્રી કરતા ટ્રાવેલ ઇન્ડસ્ટ્રીમાં વધુ સારી રીતે વિકાસ કરી શકે છે. કર્મચારી સ્તરે અને ટ્રાવેલ ગાઈડ તરીકે ઘણી મહિલાઓ કાર્યરત છે પરંતુ મેનેજર સ્તરે હજુ મહિલાઓની સંખ્યા ઓછી છે પરંતુ પરિસ્થિતિ ભવિષ્યમાં ચોક્કસ બદલાશે.