સ્પોર્ટસ / દર્દનાક! ચાલુ મેચે ભારતીય ટીમના ખેલાડીનો પગ મરડી ગયો! સ્ટ્રેચરની મદદ લેવી પડી, જુઓ VIDEO

ભારત અને બાંગ્લાદેશ વચ્ચે ચાલી રહેલી મેચ દરમિયાન ભારતીય મહિલા ક્રિકેટ ટીમ માટે ચિંતાજનક ક્ષણો સર્જાઈ હતી, કારણ કે ટીમની મુખ્ય ખેલાડી પ્રતિકા રાવલ ફિલ્ડિંગ દરમ્યાન ગંભીર રીતે ઘાયલ થઈ ગઈ હતી. બાંગ્લાદેશની ઇનિંગ દરમિયાન બનેલી આ ઘટનાને કારણે તેણીને મેચ અધવચ્ચે જ મેદાન છોડવું પડ્યું હતું. આવનારી સેમિફાઇનલ પહેલા ભારત માટે આ મોટો ઝટકો બની શકે છે, કારણ કે પ્રતિકા અત્યાર સુધી ટુર્નામેન્ટની સર્વાધિક રન બનાવનાર ખેલાડીઓમાંની એક રહી છે અને અનેક નિર્ણાયક મેચોમાં ઉત્તમ પ્રદર્શન કર્યું છે.

આ ઘટના 21મી ઓવર દરમિયાન બની, જ્યારે પ્રતિકા બાઉન્ડ્રી લાઇન પાસે એક શોટ રોકવાનો પ્રયાસ કરી રહી હતી. બોલ પકડવા માટે દોડતી વખતે તે થોડું આગળ વધીને સંતુલન ગુમાવી બેઠી અને પોતાને રોકવાના પ્રયાસમાં જમણા પગનું ઘૂંટણ વળી ગયું. આ દુર્ઘટનાથી તે ભારે પીડામાં દેખાઈ રહી હતી, જેને જોઈ સાથી ખેલાડીઓ પણ ચકિત થઈ ગયા હતા. મેદાન પર સ્ટ્રેચર બોલાવવામાં આવ્યું હતું, છતાં પ્રતિકાએ તેને ઉપયોગમાં લેવા ઈનકાર કર્યો અને સાથી ખેલાડીઓની મદદથી ધીમે ધીમે મેદાનની બહાર ચાલી ગઈ. એવું માનવામાં આવે છે કે સતત વરસાદને કારણે મેદાન ભીનું હોવાથી તેનો પગ લપસી જવાથી ઈજા થઈ હતી.

આ પણ વાંચોઃ 'ફોર્મમાં આવ નહીંતર બહાર કરી દઇશ..', કોચ ગૌતમ ગંભીર આ ક્રિકેટરને આપી હતી વોર્નિંગ, થયો ખુલાસો

ભારતીય સપોર્ટ સ્ટાફની મદદથી મેદાનની બહાર પહોંચી પ્રતિકાને તાત્કાલિક તબીબી સારવાર આપવામાં આવી હતી. ઉપ-કપ્તાન સ્મૃતિ મંધાનાની સાથે તેની ઓપનિંગ ભાગીદારી ટુર્નામેન્ટ દરમિયાન ટીમ માટે મહત્વપૂર્ણ રહી છે. ખાસ કરીને ન્યૂઝીલેન્ડ સામેની મેચમાં તેણીએ 122 રનની શાનદાર ઇનિંગ રમીને ભારતને સેમિફાઇનલ સુધી પહોંચાડવામાં મોટો ફાળો આપ્યો હતો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ