ઉપલબ્ધિ / ભારતનું આ ડેરી ડ્રિંક દુનિયામાં નંબર વન, 3 દેશી પીણા પણ Top Beverage લિસ્ટમાં સામેલ, તમે પણ સ્વાદ માણ્યો હશે

• ભારતની વાનગીઓની વિદેશમાં પણ વાહ-વાહ
• દુનિયાનાં ટોપ 16 બેવરેજમાં ભારતનાં 3 ડ્રિંક્સનો સમાવેશ
• પ્રથમ સ્થાન જ ભારતની મેંગો લસ્સીને મળ્યું

ભારત દેશ પોતાની ખાવા-પીવાની ચીજો માટે વિશ્વભરમાં પ્રખ્યાત છે. ભારત જેવા મસાલા અને વાનગીઓ ખાઈને વિદેશીઓ મંત્રમુગ્ધ થઈ જતાં હોય છે. ભારતમાં મળતાં વ્યંજનોની દીવાનગી દુનિયાભરમાં જોવા મળે છે. વર્તમાનમાં આવા જ 3 ભારતીય ડ્રિંક્સને દુનિયાનાં ટોપ બેવરેજની લિસ્ટમાં સ્થાન મળ્યું છે. તમે પણ આ પીણું ચોક્કસથી પીધું જ હશે.

 

 

 

 

View this post on Instagram

 

 

 

 

 

 

 

 

 

 

 

A post shared by Pinkvilla Lifestyle (@pinkvillalifestyle)

લિસ્ટમાં પહેલું જ સ્થાન ભારતને મળ્યું
ટેસ્ટ એટલસ દ્વારા જારી કરવામાં આવેલ દુનિયાનાં ટોપ બેવરેજની લિસ્ટમાં ભારતનાં 3 ડ્રિંક્સે સ્થાન બનાવ્યું છે. ફૂડ બેસ્ટ મેગેઝીન ટેસ્ટ એટલસે પોતાના સોશિયલ મીડિયા એકાઉન્ટ પર આ ટોપ બેવરેજની લિસ્ટ શેર કરી છે. ટેસ્ટ એટલસ દુનિયાભરમાં સ્ટ્રીટ ફુડ પર વિસ્તૃત સમીક્ષા અને જાણકારી આપે છે. તેમણે હાલમાં ટોપ 16 બેસ્ટ બેવરેજની લિસ્ટ પબ્લિશ કરી છે જેમાં પ્રથમ સ્થાન ભારતની મેંગો લસ્સીને મળ્યું છે. મેંગો લસ્સી બાદ સ્પેનની અને ચિલીની ડ્રિંક્સે દ્વિતીય અને તૃતિય સ્થાન હાસિલ કર્યું છે. આ સિવાય લસ્સી અને મીઠી લસ્સીએ ક્રમશ: ચોથું અને પાંચમું સ્થાન મેળવ્યું છે.

મેંગો લસ્સી બનાવવાની રીત
ભારતમાં અલગ-અલગ પ્રકારની લસ્સી મળે છે જેમાં મેંગો લસ્સી સૌથી વધારે લોકપ્રિય છે. તેમાં દહીં અને ફ્રેશ મેંગો ઉમેરવામાં આવે છે. તેમાં એલાયચી, પાણી અને ક્યારેક-ક્યારેક શુગર પણ એડ કરવામાં આવે છે. આ સામગ્રીઓને ત્યાં સુધી મિક્સ કરવામાં આવે છે જ્યાં સુધી ડ્રિંક મલાઈદાર અને ફીણવાળું ન બની જાય. મેંગો લસ્સીને હંમેશા ઠંડી સર્વ કરવામાં આવે છે.

વધુ વાંચો: ઘરમાં જ દૂધમાંથી બનાવો ડેરી જેવુ ઘાટું દહીં: બસ ફોલો કરો આ સ્પેશ્યલ ટિપ્સ