ટેક / ભારત દુનિયાનું સૌથી સોંઘું ડિજિટલ માર્કેટ, મળે છે એક કપ ચા કરતા પણ સસ્તુ ઇન્ટરનેટ

મોબાઇલ ડેટા ભારતમાં હવે દરરોજની જરૂરિયાત બની ગયો છે. પણ શું તમે જાણો છો કે, આપણે ભારતમાં જે ડેટા યુઝ કરીએ છીએ તે ડેટા માટે વિદેશમાં વધારે રૂપિયા ખર્ચ કરવા પડે છે? અમેરિકામાં મોબાઇલ પેકેજની એવરેજ કિંમત, જેમાં 140 મિનિટના કોલ, 70 SMS મેસેજ અને 2GB ડેટાનો સમાવેશ થાય છે તેના માટે આશરે $48.95 (આશરે 4389 રૂપિયા) ચુકવવા પડે છે.

તો યુકેમાં એના માટે $12.62 (આશરે 1131 રૂપિયા) ચુકવવા પડે છે. અને ઓસ્ટ્રેલિયામાં  $23.07 (આશરે 2068 રૂપિયા) ચુકવવા પડે છે. તો તેની તુલનામાં ભારતમાં આ મોબાઇલ સર્વિસ પેકેજ સરેરાશ $1.86 (આશરે 166 રૂપિયા) માં મળી રહે છે જે વર્લ્ડ લેવલે સૌથી નીચા દરોમાંનો એક છે.

માત્ર યુરોપીય દેશ નહીં પણ એશિયાના દેશોમાં પણ ભારત કરતા વધારે રેટ છે. જેમાં ચાઈનામાં મોબાઇલ સર્વિસનો એવરેજ ખર્ચ $8.56 (આશરે 767 રૂપિયા), નેપાળમાં $2.72 (આશરે 243 રૂપિયા), બાંગ્લાદેશમાં $2.40 (આશરે 215 રૂપિયા) અને ભૂટાનમાં $4.56 (આશરે 408 રૂપિયા) છે. પરંતુ પાકિસ્તાનમાં આ ખર્ચ $1.43 (આશરે 143 રૂપિયા) છે, જે ભારત કરતા થોડો ઓછો છે.

વધુ વાંચો : Google Maps ની મદદથી આ રીતે બચાવો ટોલ ટેક્સ, જાણો કેવી રીતે બનાવવું સફરને આસાન?

• ભારતમાં ઓછી કિંમત કેમ?
  ભારત સરકારની ટેલિકોમ નીતિઓ અને ટેલિકોમ રેગ્યુલેટરી ઓથોરિટી ઓફ ઇન્ડિયા (TRAI) ના નિયમનકારી માળખામાં ટેરિફ મોટાભાગે માર્કેટ બેસ્ડ છે. વર્તમાન સિસ્ટમમાં ટેલિકોમ કંપનીઓને કોલ, ડેટા અને વેલીડીટી જેવી સ્પર્ધાના આધારે યોજનાઓ સેટ કરવાની મંજૂરી મળે છે. આ સ્પર્ધાને કારણે ગ્રાહકોને સસ્તામાં નેટ મળે છે. અનેક દેશોમાં ઇન્ટરનેટને હજુ પણ એક મોંઘો માસિક ખર્ચ મનાય છે પણ તે ભારતમાં નાગરિક માટે દૈનિક જરૂરિયાત બની ગયું છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ