CCTV / સુરતના પાંડેસરામાં નજીવી બાબતે યુવકે યુવતીને જાહેરમાં મુક્કો માર્યો, અને પછી...!

સુરત શહેરમાં મહિલા સુરક્ષા મુદ્દે ફરી એકવાર ચિંતાજનક ઘટના સામે આવી છે. પાંડેસરા વિસ્તારમાં આવેલી પ્રમુખપાર્ક સોસાયટી નજીક એક યુવતી સાથે જાહેરમાં મારામારીની ઘટના બનતા સ્થાનિકોમાં રોષ ફેલાયો છે.

આરોપી બાઈક ચાલક સ્થળ પરથી ફરાર થયો

મળતી માહિતી અનુસાર સામાન્ય વાહન અકસ્માતની બાબતે બાઈકચાલક યુવક અને યુવતી વચ્ચે બોલાચાલી થઈ હતી. વાતચીત ઉગ્ર બનતાં યુવકે જાહેરમાં જ યુવતીને મુક્કો મારી દીધો હતો. ઘટના બાદ આરોપી બાઈકચાલક સ્થળ પરથી ફરાર થઈ ગયો હતો.

View this post on Instagram

A post shared by Sambhaav Nascent LLP (@vtv_gujarati_news)

CCTV વીડિયો સોશિયલ મીડિયામાં વાયરલ

આ સમગ્ર ઘટનાનો CCTV વીડિયો સોશિયલ મીડિયામાં વાયરલ થતા લોકોમાં ભારે આક્રોશ જોવા મળી રહ્યો છે. વીડિયોમાં સ્પષ્ટ જોવા મળે છે કે યુવક યુવતી સાથે આક્રમક વર્તન કરે છે અને બાદમાં ઝડપથી ભાગી જાય છે.

યુવતીએ પોલીસ મથકે ફરિયાદ નોંધાવી

યુવતીએ આ મામલે ભેસ્તાન પોલીસ મથકે ફરિયાદ નોંધાવી છે. પોલીસે ફરિયાદના આધારે આરોપીની ઓળખ કરવાની કાર્યવાહી શરૂ કરી છે અને CCTV ફૂટેજના આધારે વધુ તપાસ હાથ ધરવામાં આવી છે.

આ પણ વાંચોઃ રાજ્યમાં છેલ્લા 2 જ વર્ષમાં 314 સિંહોના મોત, ખુદ સરકારે વિધાનસભામાં કર્યો સ્વીકાર

સ્થાનિક રહેવાસીઓએ વિસ્તારમાં પેટ્રોલિંગ વધારવાની અને મહિલાઓની સુરક્ષા માટે કડક પગલાં લેવા માંગ કરી છે. આ ઘટનાએ ફરી એકવાર શહેરમાં મહિલાઓની સુરક્ષા અંગે ગંભીર પ્રશ્નો ઉભા કર્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ