નિવેદન / નાગરિકતા સંશોધન બિલને લઇ પાકિસ્તાનના પેટમાં તેલ રેડાયું, ઇમરાને કહ્યું કે...

• નાગરિકતા સંશોધન બિલને લઇ પાકિસ્તાન ગિન્નાયું
• પડોશી દેશમાં દખલ કરવાનો પ્રયાસ કરી રહ્યું છે ભારત : પાકિસ્તાન 
• ઇમરાન ખાને ટ્વીટ કરી નોંધાવ્યો વિરોધ

પાકિસ્તાનના વિદેશ મંત્રાલયે મધ્યરાત્રિ બાદ એક નિવેદન જાહેર કર્યું હતું. તેમાં કહેવામાં આવ્યું કે, અમે આ બિલની નિંદા કરીએ છીએ. તે ભેદભાવવાળું છે અને તમામ સંબંધ આંતરરાષ્ટ્રીય સંધિઓ અને માનદંડોનું ઉલ્લંઘન કરે છે. 

પાકિસ્તાને આ બિલનો કર્યો અસ્વીકાર 

આ નિવેદનમાં કહેવામાં આવ્યું છે કે આ બિલ એ ક્ષેત્રમાં કટ્ટરવાદી 'હિન્દુત્વની વિચારધારા અને પ્રબળ વર્ગની આકાંક્ષાઓ' નું સંયોજન છે અને ધર્મના આધારે પડોશી દેશોની આંતરિક બાબતોમાં દખલ કરવાનો ઇરાદો સ્પષ્ટ છે. પાકિસ્તાને તેનો સંપૂર્ણ અસ્વીકાર કરે છે. તેમાં ઉમેર્યું હતું કે, "ભારતનો દાવો પણ ખોટો છે કે તે પોતાને લઘુમતીઓનું ઘર ગણાવ્યું છે જેઓ પડોશી દેશોમાં કથિત રીતે સતાવણીનો સામનો કરી રહ્યા છે."

હિંદુ રાષ્ટ્ર' ના ખ્યાલને સાકાર કરવા તરફનું એક મોટું પગલું છે ખરડો 

નિવેદનમાં વધુ કહેવામાં આવ્યું છે કે, "લોકસભામાં લાવવામાં આવેલ આ બિલ પાકિસ્તાન અને ભારત વચ્ચે બંને દેશોના લઘુમતીઓના રક્ષણ અને હક અંગેના કરાર સહિતના વિવિધ દ્વિપક્ષીય કરાર સાથે સંપૂર્ણપણે વિરોધાભાસી છે". 

વિદેશ મંત્રાલયે કહ્યું કે ભારત સરકાર દ્વારા લાવવામાં આવેલ આ બિલ 'હિંદુ રાષ્ટ્ર' ના ખ્યાલને સાકાર કરવા તરફનું એક મોટું પગલું છે, જે ઘણા દાયકાઓથી દક્ષિણપંથી હિન્દુ નેતાઓ દ્વારા પોષણ કરવામાં આવે છે.

ઇમરાન ખાને કર્યું ટ્વીટ

We strongly condemn Indian Lok Sabha citizenship legislation which violates all norms of int human rights law & bilateral agreements with Pak. It is part of the RSS "Hindu Rashtra" design of expansionism propagated by the fascist Modi Govt. https://t.co/XkRdBiSp3G

— Imran Khan (@ImranKhanPTI) December 10, 2019

પાકિસ્તાનના પ્રધાનમંત્રી ઇમરાન ખાને આજે ટ્વીટ કર્યું હતું કે, 'અમે ભારતીય લોકસભા દ્વારા નાગરિકત્વ બિલ પાસ થયાની નિંદા કરીએ છીએ. આ બિલ આંતરરાષ્ટ્રીય માનવ અધિકાર કાયદાઓ અને પાકિસ્તાન સાથે દ્વિપક્ષીય કરારનું ઉલ્લંઘન છે. આ RSSની 'હિન્દુ રાષ્ટ્ર' ની કલ્પનાનો એક ભાગ છે અને ફાશીવાદી મોદી સરકારના પ્રપંચને ઉજાગર કરે છે.