એલર્ટ / 110 કિ.મી.ની ઝડપે ફૂંકાશે પવન, ગાજવીજ સાથે તૂટી પડશે વરસાદ! આ રાજ્યોમાં એલર્ટ

ભારતીય હવામાન વિભાગે દેશના કેટલાક રાજ્યોમાં વરસાદ અને બદલાતા હવામાનની ચેતવણી જારી કરી છે. હવામાન વિભાગના જણાવ્યા અનુસાર, બંગાળની ખાડીમાં બનેલું નીચું દબાણ ક્ષેત્ર ઊંડા ડિપ્રેશન, પછી ચક્રવાત અને અંતે તીવ્ર ચક્રવાતી તોફાનમાં પરિણમી શકે છે. હવામાન વિભાગ (IMD)ના જણાવ્યા અનુસાર, આ વાવાઝોડું 28 ઓક્ટોબરની સાંજે કે રાત્રે માછલીપટ્ટનમ અને કલિંગપટ્ટનમ વચ્ચે કાકીનાડા નજીક આંધ્રપ્રદેશના દરિયાકાંઠેથી પસાર થઈ શકે છે.

ચેન્નાઈ સ્થિત પ્રાદેશિક હવામાન કેન્દ્ર દ્વારા જારી કરાયેલા બુલેટિન અનુસાર, આ ડિપ્રેશન લગભગ પશ્ચિમ-ઉત્તરપશ્ચિમ તરફ આગળ વધવાની શક્યતા છે, 26 ઓક્ટોબર સુધીમાં તે ઊંડા ડિપ્રેશનમાં તીવ્ર બનશે અને 27 ઓક્ટોબર સુધીમાં દક્ષિણપશ્ચિમ અને સંલગ્ન પશ્ચિમ-મધ્ય બંગાળની ખાડી પર ચક્રવાતી તોફાનમાં ફેરવાશે. બાદમાં, 28 ઓક્ટોબરની સવાર સુધીમાં તે તીવ્ર ચક્રવાતી તોફાનમાં ફેરવાશે.

હવામાન વિભાગના જણાવ્યા અનુસાર, આ સમયગાળા દરમિયાન 90-100 કિમી/કલાકની ઝડપે પવન ફૂંકાય તેવી શક્યતા છે, આના કારણે તિરુવલ્લુર, ચેન્નાઈ, રાનીપેટ, કાંચીપુરમ, ચેંગલપટ્ટુ અને વિલુપ્પુરમ જિલ્લામાં ભારે વરસાદ પડી શકે છે. આ સમયગાળા દરમિયાન વીજળી અને વાવાઝોડાની પણ શક્યતા છે. હવામાન વિભાગે તમિલનાડુ અને આંધ્રપ્રદેશના દરિયાકાંઠાના વિસ્તારોમાં માછીમારોને દરિયામાં ન જવા ચેતવણી આપી છે.

આ પણ વાંચોઃ 10,000થી વધુ મહેમાન, 3000 રૂમ બુક, ખુદ PM મોદી જવાના છે રામ મંદિર, ક્યારે?

ચેન્નાઈ અને આસપાસના વિસ્તારોમાં હવામાન વાદળછાયું રહેશે, એક કે બે વાર હળવા થી મધ્યમ વરસાદ થવાની શક્યતા છે. છેલ્લા 24 કલાકમાં ઊટી (તિરુનેલવેલી) માં સૌથી વધુ 14 સેમી વરસાદ નોંધાયો છે, જ્યારે તિરુપુવનમ (શિવગંગા) માં સૌથી ઓછો 1 સેમી વરસાદ પડ્યો છે. આગામી 24 કલાક દરમિયાન તમિલનાડુ, પુડુચેરી અને કરાઈકલ પ્રદેશમાં એક કે બે જગ્યાએ વાવાઝોડા અને વીજળી પડવાની શક્યતા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ