દુઃખદ / VIDEO : જૂનાગઢમાં લગ્નના વરઘોડા પહેલા મગજનો હુમલો આવતા યુવક ઢળી પડ્યો, ​પરિવારનો એકનો એક દીકરો હતો

જૂનાગઢ જિલ્લાના એક ગામમાં યોજાયેલા લગ્ન સમારોહમાં ફુલેકાની વિધિ દરમિયાન ઘોડીને નચાવવાની પરંપરા ચાલી રહી હતી. આ દરમિયાન કરણ પરમાર નામનો યુવાન અશ્વપાલક ઘોડીને નચાવતો હતો. અચાનક તેની તબિયત બગડતા તે લથડી પડ્યો અને જમીન પર ધસી પડ્યો.

ડોક્ટરોએ યુવકને મૃત જાહેર કર્યો

ઘટનાસ્થળે હાજર લોકોએ તરત જ તેને સંભાળવાનો પ્રયાસ કર્યો. પરંતુ તેની સ્થિતિ ગંભીર બની ગઈ હતી. તાત્કાલિક સારવાર માટે હોસ્પિટલ લઈ જવામાં આવ્યો, જ્યાં ડોક્ટરોએ તેને મૃત જાહેર કર્યો. પ્રાથમિક તપાસ મુજબ બ્રેન સ્ટ્રોકને કારણે તેનું મોત થયું હોવાનું માનવામાં આવે છે.

આ પણ વાંચોઃ જૂનાગઢથી અમદાવાદ જતી બસમાં શખ્સે યુવતીની કરી છેડતી, બીભત્સ ઈશારા કર્યાં

પરિવારજનો અને સ્થાનિકોમાં શોકની લાગણી

આ ઘટના બાદ લગ્ન પ્રસંગમાં શોકની લાગણી છવાઈ ગઈ હતી. પરિવારજનો અને સ્થાનિકોમાં શોકની લાગણી વ્યાપી ગઈ છે. કરણ પરમારના અચાનક અવસાનથી તેના પરિવાર પર દુઃખનો પહાડ તૂટી પડ્યો છે. સ્થાનિક લોકો અને સગાસંબંધીઓએ યુવાનના અવસાન પર શોક વ્યક્ત કર્યો છે અને પરિવારને સાંત્વના પાઠવી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ